କଳାହାଣ୍ଡି, (ନରୋତ୍ତମ ସେଲମା) : ଆଜି କଳାହାଣ୍ଡି ଜିଲ୍ଲାର କର୍ଲାମୁଣ୍ଡା ବ୍ଲକର ରିଷିଡାଠାରେ ଶ୍ରୀଜଗନ୍ନାଥଙ୍କ ସ୍ନାନଯାତ୍ରା ବିଧି ବ୍ୟବସ୍ଥା ମୁତାବକ ଅନୁଷ୍ଠିତ ହୋଇଯାଇଛି । ମହାପ୍ରଭୁଙ୍କୁ ରତ୍ନବେଦୀରୁ ସ୍ନାନବେଦୀକୁ ଅଣାଯାଇ ପାରମ୍ପରିକ ରୀତିନୀତିରେ ପୂଜାର୍ଚ୍ଚନା କରାଯାଇଥିଲା । ଗ୍ରାମ ଗୌନ୍ତିଆ ପ୍ରତିନିଧି କ୍ଷୀରସାଗର ରଣା ଓ ତାଙ୍କ ଧର୍ମପତ୍ନୀ ବିନୋଦିନୀ ରଣା କର୍ତ୍ତା ଦାୟିତ୍ୱ ନିର୍ବାହ କରିଥିବା ବେଳେ ମଧୁସୂଦନ ଦାଶ ଓ ଅଶୋକ ତ୍ରିପାଠୀ ପୂଜା ଓ ସ୍ନାନ ବିଧି ସମାପନ କରିଥିଲେ । ମନ୍ଦିର କମିଟି ସଭାପତି ଶିବଲାଲ କେଡ଼ିଆ, ସମ୍ପାଦକ ଅନ୍ତର୍ଯ୍ୟାମୀ ସାହୁଙ୍କ ତତ୍ୱାବଧାନରେ ଦୀନବନ୍ଧୁ ଦାଶ, ବିଭୁତି ଦାଶ, ଦେବେନ୍ଦ୍ର ରଣା, ପବିତ୍ର ଲେଙ୍କା, ହିମାଂଶୁ ରଣା, ଭକ୍ତବନ୍ଧୁ ରଣା ସହଯୋଗ କରିଥିଲେ ।