ପଦ୍ମପୁର, (ନିରୋଜ କୁମାର ପାଣୀ) : ସମାଜସେବୀ ତଥା ଭେଙ୍ଗରାଜପୁର ଗ୍ରାମ ପଞ୍ଚାୟତ ପୂର୍ବତନ ସରପଞ୍ଚ ସ୍ୱର୍ଗତ ଗୌରଚନ୍ଦ୍ର ସୁନାଙ୍କର ସ୍ମୃତି ଦିବସ ଭୀମଭୋଇ ପାଠଶାଲା ମୁନେଇକେଲ ଆନୁକୁଲ୍ୟରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଆଇନଜୀବୀ ତଥା ସାମାଜିକ କର୍ମୀ ସରୋଜ କୁମାର ସୁନା ଯୋଗଦାନ କରି ସ୍ୱର୍ଗତ ଗୌରଚନ୍ଦ୍ର ସୁନାଙ୍କର ସଂଗ୍ରାମମୟ ଜୀବନ ଓ ସାଙ୍ଗଠନିକ କାରୁକାର୍ଯ୍ୟ ବିଷୟରେ ଆଲୋଚନା କରି ସ୍ମୃତିଚାରଣ କରିଥିଲେ । ଅନ୍ୟମାନଙ୍କ ମଧ୍ୟରେ ତ୍ରିଲୋଚନ ସେଠ୍, ପ୍ରମୋଦ ତାଟି, ଗଣେଶ ସୁନା, ସମଲ ଦୀପ, ହେମନ୍ତ ସୁନା, ମହିତରାମ୍ ସୁନା, ଭୋଜାରାଜ୍ ସୁନା, ପ୍ରମୋଦ ସୁନା ପ୍ରମୁଖ ଯୋଗଦାନ କରି ଗୌରଚନ୍ଦ୍ର ସୁନାଙ୍କୁ ଶ୍ରଦ୍ଧା ସୁମନ ଅର୍ପଣ କରିଥିଲେ । ଭୀମଭୋଇ ପାଠଶାଲାର ସହ ସଂଗଠକ ଡ଼ଲଫିନ ସୁନା ପ୍ରାକ୍ ସୂଚନା ଓ କାର୍ଯ୍ୟକ୍ରମ ପରିଚାଳନା କରିଥିଲେ ଓ ଆମ୍ବେଦକର ୱାରୀଆର ସଂଗଠନର ବ୍ଲକ ସଂଯୋଜକ ତ୍ରିଲୋଚନ ସୁନା ଶ୍ରଦ୍ଧାଞ୍ଜଳି ସଙ୍ଗୀତ ଗାନ କରିବା ସହିତ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ଭୀମଭୋଇ ପାଠଶାଲାର ସମସ୍ତ ଛାତ୍ର ଛାତ୍ରୀ ଓ ଅବିଭାବକ ଅବିଭାବିକା ଯୋଗଦାନ କରିଥିଲେ ।