ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସରସ୍ଵତୀ ଶିଶୁ ବିଦ୍ୟାମନ୍ଦିରର ନବମ ଶ୍ରେଣୀର ୫ଜଣ ଭାଇଭଉଣୀ ଗ୍ରାମାଞ୍ଚଳ ମେଧାବୃତ୍ତି (ଏନ୍ଆର୍ଟିଏସ୍) ପରୀକ୍ଷାରେ କୃତିତ୍ଵ ହାସଲ କରି ବରଗଡ଼ ଜିଲ୍ଲା ସ୍ତରରେ ତଥା ବିଜ୍ଞାପିତ ଅଞ୍ଚଞ୍ଚଳ ପରିଷଦ ପଦ୍ମପୁରରେ ସଫଳତା ହାସଲ କରି ବିଦ୍ୟାଳୟର ମାନ ଓ ଗୌରବ ବୃଦ୍ଧି କରିଛନ୍ତି । ଏହି ପରୀକ୍ଷାରେ ଦୀପଶିଖା ଗଡ଼ତିଆ ୮୫ ମାର୍କ ରଖି ବିଜ୍ଞାପିତ ଅଞ୍ଚଳ ପରିଷଦ ପଦ୍ମପୁର ତଥା ବରଗଡ଼ ଜିଲ୍ଲାରେ ପ୍ରଥମ ସ୍ଥାନ ହାସଲ କରିଛନ୍ତି । ସେହିପରି ଭାଇ ସିଦ୍ଧାର୍ଥ ଶେଖର ସାହୁ ୮୪ ମାର୍କ ରଖି ଜିଲ୍ଲା ସ୍ତରରେ ଦ୍ୱିତୀୟ ସ୍ଥାନ ହାସଲ କରିଛନ୍ତି । ବିଜ୍ଞାପିତ ଅଞ୍ଚଳ ପରିଷଦ ପଦ୍ମପୁରରେ ଆଲୋକ ରଞ୍ଜନ ସାହୁ ୭୧ ମାର୍କ (ତୃତୀୟ ସ୍ଥାନ), ଦଶୱନ୍ତ ଜଗତ ୫୫ ମାର୍କ (ଚତୁର୍ଥ ସ୍ଥାନ), ମିନାକ୍ଷୀ ଭୋଇ ୫୩ ମାର୍କ (ଷଷ୍ଠ ସ୍ଥାନ) ରଖିଛନ୍ତି । ଏଣୁ କୃତି ଛାତ୍ରଛାତ୍ରୀମାନଙ୍କୁ ପ୍ରଧାନ ଆଚାର୍ଯ୍ୟ, ସମସ୍ତ ଗୁରୁଜୀ ଗୁରୁମା, ଅଭିଭାବକ ଅଭିଭାବିକା ତଥା ପରିଚାଳନା ସମିତି ପରିବାର ତରଫରୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଛ। ଜଣାଇଛନ୍ତି । ସଫଳତା ହାସଲ କରିଥିବା ଭାଇଭଉଣୀମାନଙ୍କୁ ଉଜ୍ଜ୍ଵଳ ଭବିଷ୍ୟତ କାମନା ପୂର୍ବକ ବିଦ୍ୟାଳୟ ତଥା ଅଞ୍ଚଳର ଗୌରବ ଆଣି ଥିବାରୁ ଅଭିଭାବକ ମହଲରେ ଶୁଭେଚ୍ଛାର ସୁଅ ଛୁଟୁଛି ।
