centurian jitm

ମୁରିବାହାଲ ବ୍ଲକସ୍ତରୀୟ ପ୍ରବେଶ ଉତ୍ସବ : ଖଡିଛୁଆଁ ଓ ଶିଶୁ ବାଟିକା କାର୍ଯ୍ୟକ୍ରମର ଶୁଭାରମ୍ଭ ଅନୁଷ୍ଠିତ

ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକସ୍ତରୀୟ ତଥା ବିଦ୍ୟାଳୟ ସ୍ତରୀୟ ପ୍ରବେଶ ଉତ୍ସବ ଏବଂ ଖଡ଼ିଛୁଆଁ ତଥା ଶିଶୁ ବାଟିକା କାର୍ଯ୍ୟକ୍ରମ ବୁଧବାର ମୁରିବାହାଲ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଶୁଭାରମ୍ଭ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁରିବାହାଲ ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ କୁମାର ପଢ଼ିହାରୀଙ୍କ ସଭାପତିତ୍ୱ ତଥା ପ୍ରତ୍ୟେକ୍ଷ ତତ୍ଵାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ମୁରିବାହାଲ ସିଡ଼ିପିଓ ପୂର୍ଣ୍ଣମୀ ବୈଠାରୁ, ସମ୍ମାନିତ ଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କାନ୍ତାରାମ ଧରୁଆ, ମୁରିବାହାଲ ଗ୍ରାମ ପଞ୍ଚାୟତର ସରପଞ୍ଚ ବିଶ୍ଵବିହାରୀ ଯୋଶୀ, ସମିତି ସଭ୍ୟ ଚକ୍ରଧର ହେର୍ଣ୍ଣା, ମୁରିବାହାଲ କ୍ଲଷ୍ଟରର ସିଆରସିସି ହୃଷିକେଶ ଶିକା ଓ ମୁରିବାହାଲ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସ୍ରୋତସ୍ୱିନି ମାଝୀ ଯୋଗଦାନ କରିଥିଲେ । କାର୍ଯ୍ୟକ୍ରମ ଆରମ୍ଭ ପୂର୍ବରୁ ନୂତନ ଭାବେ ନାମ ଲେଖାଇବାକୁ ଆସିଥିବା କୁନିକୁନି ଛାତ୍ରଛାତ୍ରୀମାନଙ୍କୁ ଫୁଲ ଚନ୍ଦନ ଦେଇ ସମସ୍ତ ଅତିଥିଗଣ ସ୍ୱାଗତ କରିଥିଲେ । ଏହାପରେ ଗୋଷ୍ଠୀ ଶିକ୍ଷା ଅଧିକାରୀ ସେହି ଛାତ୍ରଛାତ୍ରୀମାନଙ୍କୁ ଗୋଟିଏ ଲେଖାଏଁ ସିଲଟ ପ୍ରଦାନ କରିଥିବା ବେଳେ ସମସ୍ତ ଅତିଥିମାନଙ୍କ ଦ୍ଵାରା ସେହି ଛାତ୍ରଛା୍ତ୍ରୀମାନଙ୍କୁ ନେଇ ଖଡ଼ିଛୁଆଁ କାର୍ଯ୍ୟକ୍ରମ କରାଯାଇଥିଲା । ସଭାକାର୍ଯ୍ୟ ଆରମ୍ଭ ପୂର୍ବରୁ ମାଁ ବାଗଦେବୀ ସରସ୍ଵତୀଙ୍କ ଫଟୋଚିତ୍ରରେ ଧୂପଦୀପ ଜାଳି ପୁଷ୍ପମାଲ୍ୟ ଅର୍ପଣ କରି ପୂଜାର୍ଚ୍ଚନା କରାଯାଇଥିଲା । ଛାତ୍ରଛାତ୍ରୀମାନଙ୍କ ଦ୍ଵାରା ସମସ୍ତ ଅତିଥିମାନଙ୍କୁ ଫୁଲତୋଡ଼ା ପ୍ରଦାନ କରି ବେଜ୍ ମାରି ଉତ୍ତରୀୟ ପ୍ରଦାନ କରି ସଭାକାର୍ଯ୍ୟରେ ମଞ୍ଚାସୀନ କରାଯାଇଥିଲା । ତାପରେ ଛାତ୍ରୀମାନଙ୍କ ଦ୍ଵାରା ଅତିଥିମାନଙ୍କ ଉଦ୍ଦେଶ୍ୟରେ ଏକ ସୁନ୍ଦର ସ୍ଵାଗତ ସଂଗୀତ ପରିବେଷଣ କରାଯାଇଥିଲା । ସଭାକାର୍ଯ୍ୟଟିକୁ ଶିକ୍ଷକ ଶ୍ରୀମୁଖ ବିହାରୀ ଷାଣ୍ଢ ପରିଚାଳନା କରିଥିଲେ। ମୁରିବାହାଲ ସିଆରସିସି ଶ୍ରୀ ଶିକା ପ୍ରବେଶ ଉତ୍ସବ କାର୍ଯ୍ୟକ୍ରମର ଉଦ୍ଦେଶ୍ୟ ସଂକ୍ଷେପଣ କରିଥିଲେ । ସମସ୍ତ ଅତିଥି ସୁନ୍ଦର ଭାବରେ ନିଜ ନିଜର ବକ୍ତବ୍ୟ ରଖିଥିଲେ । ଛାତ୍ରୀମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ପ୍ରଧାନ ଶିକ୍ଷୟିତ୍ରୀ ସ୍ରୋତସ୍ଵିନୀ ମାଝୀ ଧନ୍ୟବାଦ ଦେଇଥିଲେ । ଏହି କାର୍ଯ୍ୟକ୍ରମଟିକୁ ସଫଳ ଭାବରେ ଶେଷ କରିବାରେ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ପୁଷ୍ପାଞ୍ଜଳି ବାରିକ, ସଂଯୁକ୍ତା ପଣ୍ଡା, ଶୀତଳ ଦୀପ, ଜ୍ୟୋତି ରଞ୍ଜନ ମିଶ୍ର, ଯୁଧିଷ୍ଠିର ପଧାନ, ଭୂଷଣ କୁମାର ନାଏକ, ଜିତେନ୍ଦ୍ରିୟ ସୁନା ପୂର୍ଣ୍ଣ ସହଯୋଗ କରିଥିଲେ । ନୂତନ ଛାତ୍ରୀଛାତ୍ରୀମାନଙ୍କୁ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ରାଳୟ ତରଫରୁ ଗୋଟିଏ ଗୋଟିଏ ସ୍କୁଲ୍ ବ୍ୟାଗ ଏବଂ ଷ୍ଟଡି ମେଟେରିଆଲ ପ୍ରଦାନ କରାଯାଇଥିଲା । ସେହିପରି ବ୍ଲକ ଅଞ୍ଚଳର ସମସ୍ତ ବିଦ୍ୟାଳୟସ୍ତରୀୟ ଓ କ୍ଲଷ୍ଟରସ୍ତରୀୟ ପ୍ରବେଶ ଉତ୍ସବ, ଖଡ଼ିଛୁଆଁ ଓ ଶିଶୁ ବାଟିକାର କାର୍ଯ୍ୟକ୍ରମ ମାନ ଅନୁଷ୍ଠିତ ହୋଇଯାଇଛି ।

Leave A Reply

Your email address will not be published.