ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଝାରବନ୍ଧ ଶ୍ରୀମା ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଓ ଗବେଷଣା କେନ୍ଦ୍ରର ବାର୍ଷିକ ଉତ୍ସବ ପରିଚାଳନା କମିଟି ସଭାପତି ଅଇଁଠା ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ବରଗଡ଼ ଲୋକସଭା ସାଂସଦ ପ୍ରଦୀପ ପୁରୋହିତ ମୁଖ୍ୟ ଅତିଥି ଭାବରେ ଯୋଗଦାନ କରି କୃତି ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ । ସଂପାଦକ ଶିବ ପ୍ରସାଦ ପଟେଲ ବାର୍ଷିକ ବିବରଣୀ ପଠନ କରିଥିଲେ । ଗୋଷ୍ଠୀ ଶିକ୍ଷା ଅଧିକାରୀ ଶୁଭମ ପତି, ଜିଲ୍ଲା ପରିଷଦ ସଦସ୍ୟ ସନ୍ତୋଷ ବେହେରା, ଶିକ୍ଷାନୁଷ୍ଠାନର ଅଧ୍ୟକ୍ଷ କୈଳାଶ ରଣା ମଂଚାସୀନ ଥିଲେ । ଅତିଥି ବୃନ୍ଦ ପ୍ରଥମେ ଶ୍ରୀମା ଶ୍ରୀ ଅରବିନ୍ଦଙ୍କ ତୈଳଚିତ୍ରରେ ଶ୍ରଦ୍ଧା ସୁମନ ଅର୍ପଣ କରିଥିଲେ । ଦୁର୍ଗା ସ୍ତୋତ୍ର ପରେ ସଭାକାର୍ଯ୍ୟ କରାଯାଇଥିଲା । ବିଶିକେଶନ ଧରୁଆ ମଞ୍ଚ ପରିଚାଳନା କରିଥିଲେ । ଶିକ୍ଷାନୁଷ୍ଠାନ ମଣିଷ ଗଢା କାରଖାନା ତେଣୁ ପ୍ରତ୍ୟେକ ବିଦ୍ୟାଳୟ ପ୍ରତି ଅକୁଣ୍ଠ ସହଯୋଗ ରହିବ ବୋଲି ସାଂସଦ ଶ୍ରୀ ପୁରୋହିତ କହିଥିଲେ । ଗୋବିନ୍ଦ ପଟେଲ, ସୌମ୍ୟରଞ୍ଜନ ସାହୁ ଓ ଅନ୍ୟ ଅଭିଭାବକ ସହଯୋଗ କରିଥିଲେ ।