ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଠାରେ ଏକ ଦିବସୀୟ ଭିନ୍ନକ୍ଷମ ଛାତ୍ରଛାତ୍ରୀମାନଙ୍କର ଅଭିଭାବକ ଓ ସଂପୃକ୍ତ ବିଦ୍ୟାଳୟର ଶିକ୍ଷକଙ୍କୁ ନେଇ ତାଲିମ ଶିବିର ଅନୁଷ୍ଠିତ ହୋଇଯାଇଛି । ଉଦ୍ଘାଟନୀ କାର୍ଯ୍ୟକ୍ରମ ଗୋଷ୍ଠୀ ଶିକ୍ଷା ଅଧିକାରୀ ଚୁଡାମଣି ବାରିକଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା ।ଏଥିରେ ଏବିଇଓ ଶିବ ପ୍ରସାଦ ଯୋଶୀ, ସାମାଜିକ କର୍ମୀ ଅରୁଣ ବିଶ୍ୱାଳ, ବିଏସଏସଓ ଭବାନୀ ପଟେଲ, ବିଆଇଟି ରୀତା ମେହେର ମଞ୍ଚାସୀନ ଥିଲେ । ଡୁଲାମଣି ମାହାର ସଭା ପରିଚାଳନା କରିଥିଲେ । ୫୦ଟି ବିଦ୍ୟାଳୟରୁ ଜଣେ ଲେଖାଏଁ ଶିକ୍ଷକ / ଶିକ୍ଷୟିତ୍ରୀ ସହିତ ୫୦ ଜଣ ଅଭିଭାବକ ତାଲିମରେ ଯୋଗ ଦେଇଥିଲେ । ତାଲିମଦାତା ଭାବେ ଅରୁଣ ବିଶ୍ୱାଳ, ଡୋଲାଣି ମାହାର, ମାଧବ ପୁରୋହିତ ତାଲିମ ପ୍ରଦାନ କରିଥିଲେ । ବିହାରୀ ପ୍ରଧାନ, ହୃଦାନନ୍ଦ ରଣା, ଉଜଲ ମହାନନ୍ଦ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ବିଆରଟି ଜିତେନ୍ଦ୍ର କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।