ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଶିକ୍ଷା ଜିଲ୍ଲା ଆନୁକୂଲ୍ୟରେ ବରଗଡ଼ର ଅନନ୍ୟ କାର୍ଯ୍ୟକ୍ରମ ‘ବିଜେତା’ ଅନ୍ତର୍ଗତ ଏକ ପଞ୍ଚ ଦିବସୀୟ ଶୀତକାଳୀନ ଶିବିର ପଦ୍ମପୁର ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଅନୁଷ୍ଠିତ ହେଉଛି । ଉକ୍ତ ଶିବିରକୁ ବିଦ୍ୟାଳୟର କାର୍ଯ୍ୟକାରୀ ପ୍ରଧାନ ଶିକ୍ଷକ ଗୋପାଳଜୀ ପାଣିଗ୍ରାହୀ ଉଦ୍ଘାଟନ କରିଥିଲେ । ଅବସର କାଳୀନ ଦାୟିତ୍ୱରେ ଥିବା ବରିଷ୍ଠ ଶିକ୍ଷକ ମାନସ ରଞ୍ଜନ ଶତପଥି ଓ ବିଦ୍ୟାଳୟର କର୍ମଚାରୀ ଦୁଷ୍ମନ୍ତ ଛତର ଏହି ଅବସରରେ ଉପସ୍ଥିତ ଥିଲେ । ସ୍ୱତନ୍ତ୍ର ଅତିଥି ଭାବରେ ପିରାମଲ ଫାଉଣ୍ଡେସନର ତବରେଜ ଅବଦୁଲ୍ଲା ଥିବା ସହ ପାଞ୍ଚଦିନ ଧରି ହେବାକୁ ଥିବା ଏହି ଶିବରର ପରିଚାଳନା ମଧ୍ୟ କରିବେ । ଏହି ଶିବିରରେ ବିଦ୍ୟାଳୟର ୫୨ଜଣ ଛାତ୍ରୀ ଯୋଗଦାନ କରିଛନ୍ତି ।