ପଦ୍ମପୁର, (ନିରୋଜ କୁମାର ପାଣୀ) : ଶ୍ରୀ ଶ୍ରୀ ନୃସିଂହ ମହାପ୍ରଭୁଙ୍କ ଜନ୍ମୋତ୍ସବ(ବୈଶାଖ ମେଳା) ଅବସରରେ ବଜରଙ୍ଗ ଦଳ ପଦ୍ମପୁର ଜିଲ୍ଲା ତରଫରୁ ସେବା କାର୍ଯ୍ୟର ଶୁଭାରମ୍ଭ ହୋଇଯାଇଛି । ବଜରଙ୍ଗ ଦଳ ଜିଲ୍ଲା ସଂଯୋଜକ ଓମ ପ୍ରକାଶ ମେହେର ଦୀପ ପ୍ରଜ୍ୱଳନ କରି ବଜରଙ୍ଗ ଦଳର ସେବା ମନୋଭାବ ଉପରେ ଗୁରୁତ୍ୱ ଦେଇଥିଲେ । ମୁଖ୍ୟ ରାସ୍ତାକୁ ସ୍ୱଚ୍ଛତା ରଖିବା, ଝରଣା ଜଳର ଶୁଦ୍ଧତାକୁ ବଜାୟ ରଖିବା ଦିଗରେ କାର୍ଯ୍ୟ ସହିତ ଅନ୍ୟାନ୍ୟ ଜରୁରୀ କାମ କରିବାକୁ ସ୍ଥିରୀକୃତ କରିଛି ଜିଲ୍ଲା ସଂଗଠନ । ଆପଣ ମାନଙ୍କର ଶୁଭେଚ୍ଛା, ଆଶୀର୍ବାଦ, ସହଯୋଗ ଆମ ବଜରଙ୍ଗୀ ଭାଇମାନଙ୍କ ହୃଦୟରେ ଉତ୍ସାହ ଆଣିବ ବୋଲି ଆଶା କରି ବୈଶାଖ ମେଳାରେ ସର୍ବସାଧାରଣଙ୍କୁ ଶୁଭେଚ୍ଛା ପ୍ରଦାନ କରିଥିଲେ ବଜରଙ୍ଗ ଦଳର ସଦସ୍ୟମାନେ ।