ମ.ରାମପୁର, (ହେମନ୍ତ ସାହୁ) : ରାମକୃଷ୍ଣ ବିବେକାନନ୍ଦ ମିଶନ ବାରାକପୁର କଲିକତା ସହାୟତାରେ ଶ୍ରୀରାମକୃଷ୍ଣ ଆଶ୍ରମ ମ.ରାମପୁର ପକ୍ଷରୁ ଆଜି ଏକ ରିଲିଫ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମହାମାରୀ କରୋନାକୁ ଦୃଷ୍ଟିରେ ରଖି ମ.ରାମପୁର ବ୍ଲକ ଦେଢସୁଲି ପଞ୍ଚାୟତର ଜାମୁଲି ଗାଁ ଠାରେ ଏହା ଆୟୋଜିତ ହୋଇଥିଲା । ଶ୍ରୀରାମକୃଷ୍ଣ ଆଶ୍ରମ ପକ୍ଷରୁ ସ୍ବାମୀ ଅଶୋକାନନ୍ଦ, ସ୍ବାମୀ ବିରେଶାନନ୍ଦ, ବଟକିଶୋର ପ୍ରଧାନ, ଉମାକାନ୍ତ ବେହେରା, ରଶ୍ମିକାନ୍ତ ପଟ୍ଟନାୟକ, ପ୍ରଶାନ୍ତ ସେଠୀ, ଗୟାଧର ମାଝୀ, ଦିପ୍ତିବାନ ସାହୁ ଓ ଗଗନ ସାହୁ ପ୍ରମୁଖ ଗ୍ରାମବାସୀଙ୍କୁ ଚାଉଳ, ଡାଲି, ଲୁଣ, ଖାଇବା ତେଲ, ଚିନି, ଆଳୁ, ପିଆଜ, ବିସ୍କୁଟ, ପନିପରିବା, ଆବଶ୍ୟକ ସାମଗ୍ରୀ ସହ ମାସ୍କ, ସାନିଟାଇଜର ଆଦି ବଣ୍ଟନ କରିଥିଲେ । ଏହି ରିଲିଫ ବଣ୍ଟନ କାର୍ଯ୍ୟକ୍ରମ କୋଭିଡ୍ ନିୟମ ଅନୁସାରେ ସଂପାଦିତ ହୋଇଥିଲା । ବିଶ୍ବ ମହାମାରୀ ସମୟରେ ଶ୍ରୀରାମକୃଷ୍ଣ ଆଶ୍ରମର ଏହି କାର୍ଯ୍ୟଧାରାକୁ ଜାମୁଲି ଗ୍ରାମବାସୀ ପ୍ରଶଂସା କରିଛନ୍ତି ।