ବଲାଙ୍ଗିର, (ଦେବାଶିଷ ମିଶ୍ର) : ଆଜି ସ୍ଥାନୀୟ ଆଇନ ବିଦ୍ୟାଳୟର ପ୍ରାଙ୍ଗଣରେ ଅନୁଷ୍ଠିତ ହୋଇଥିବା ଯୋଗ ଶିବିରରେ ସିଡିଏସ୍ ଜେନେରାଲ ବିପିନ ରାୱତ ଏବଂ ତାଙ୍କ ପତ୍ନୀଙ୍କ ସମେତ ୧୧ ଜଣ ସହିଦ ଜବାନଙ୍କୁ ଯୋଗ ଶିବିରର ସାଧକମାନଙ୍କ ତରଫରୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ସୂଚନାଯୋଗ୍ୟ ଯେ, ଗତ ୯ ତାରିଖ ଦିନ କର୍ଣ୍ଣାଟକର କୁନୁର ଠାରେ ଭାରତୀୟ ବାୟୁସେନାର ହେଲିକେପ୍ଟର ଦୁର୍ଘଟଣା ଗ୍ରସ୍ତ ହୋଇଥିôଲା ଯେଉଁଥିରେ ସିଡିଏସ୍ ଜେନେରାଲ ବିପିନ ରାୱତ ଏବଂ ତାଙ୍କ ପତ୍ନୀଙ୍କ ସମେତ ୧୧ ଜଣ ସହିଦ ଜବାନଙ୍କ ପ୍ରାଣ ଚାଲିଯାଇଥିଲା । ତାଙ୍କ ଅମର ଆତ୍ମାର ସଦ୍ଗତି କାମନା କରି ନୀରବ ପ୍ରାର୍ଥନା କରାଯାଇଥିଲା । ରାୱତ ତଥା ଅନ୍ୟ ସହୀଦମାନଙ୍କର ବିୟୋଗରେ ଦେଶର ପ୍ରତିରକ୍ଷା କ୍ଷେତ୍ରରେ ଏକ ଅପୁରଣୀୟ କ୍ଷତି ହେଲା ବୋଲି ମତ ପ୍ରକାଶ ପାଇଥିଲା । ଯୋଗ ଗୁରୁ ଦିନମଣି ପ୍ରଧାନଙ୍କ ନେତୃତ୍ୱରେ ଅନୁଷ୍ଠିତ ଶୋକ ସଭାରେ ଶିକ୍ଷାବିତ୍ ମନୋରଂଜନ ସାହୁ, ବେଣୁପାଣି ବେହେରା, ଦୁର୍ଗା ପ୍ରସାଦ ଜେନା, ଅଚ୍ୟୁତାନନ୍ଦ ସାହୁ, ସ୍ନିତାଶ୍ରୀ ହୋତା ପ୍ରମୁଖ ସ୍ମୃତି ଚାରଣ କରି ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।