ବୌଦ୍ଧ, (ମମତା ମହାକୁର) : ବୌଦ୍ଧ ଜିଲ୍ଲା ସାମ୍ବାଦିକ ସଂଘ ପକ୍ଷରୁ ଆଜି ଗୁଗୁଲ ମିଟ ମାଧ୍ୟମରେ ଜିଲା ସଭାପତି ରତ୍ନାକର ବେହେରାଙ୍କ ସଭାପତିତ୍ୱରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । ସ୍ୱର୍ଗତ ଦୁର୍ବାକ୍ଷ ବସ୍ତିଆ ‘ଓଡିଶା ଭାସ୍କର’ର ଜିଲା ପ୍ରତିନିଧି ଭାବେ କାର୍ଯ୍ୟରତ ଥିଲେ । ସେ ଜଣେ ମେଲାପି ଓ କର୍ମଚଞ୍ଚଳ ବ୍ୟକ୍ତି ଭାବେ ଜଣାଶୁଣା ଥିଲେ । ତାଙ୍କ ଅକାଳ ବିୟୋଗରେ ବୌଦ୍ଧ ଅଞ୍ଚଳରେ ମଧ୍ୟ ଶୋକର ଛାୟା ମଧ୍ୟ ଯାଇଛି । ତାଙ୍କ ପରିବାରେ ବର୍ତ୍ତମାନ ଦୁଇ ଝିଅ, ପତ୍ନୀ ଓ ବୃଧା ମା’ ବର୍ତ୍ତମାନ ଅସହାୟ ହୋଇ ପଡିଛିନ୍ତି । ପରିବାର ବର୍ଗଙ୍କୁ ସଂଘ ପକ୍ଷରୁ ଆର୍ଥିକ ସହାୟତା ଯୋଗାଇ ଦେବାର ନିଷ୍ପତ୍ତି ନିଆଯାଇଥିଲା । ଏହି ସଭାରେ ସଂଘର କାର୍ଯ୍ୟକର୍ତ୍ତା ଦେବାଶିଷ ପୁରୋହିତ, ଭାର୍ଜନ କୁମାର ପ୍ରଧାନ, ବୈଦ୍ୟନାଥ ହୋତା, ସୀତାକାନ୍ତ ସିଂ, ରବି ପଟନାୟକ, ପ୍ରଣତି ପଣ୍ଡା, ପ୍ରମୋଦ ବାଘ, ଶଶାଙ୍କ ମିଶ୍ର, ପ୍ରମୁଖ ଯୋଗ ଦେଇ ଅମର ଆତ୍ମାର ସତଗତି କାମନା କରିଥିଲେ ।