• ଡିଜିଟାଲ ଇଣ୍ଡିଆ ଦିଗରେ ଆଉ ଏକ ମାଇଲଖୁଣ୍ଟ : ଜାତୀୟ ଇ-ଗଭର୍ଣ୍ଣାନ୍ସ ଡିଭିଜନ ଦ୍ୱାରା ଏସବୁ ସେବା ସାମିଲ
• ସମସ୍ତ ୩୬ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ନାଗରିକମାନେ ଏବେ ଯେକୌଣସି ସମୟରେ ଓ ଯେକୌଣସି ସ୍ଥାନରେ ବିଭିନ୍ନ ପ୍ରମାଣପତ୍ର, କଲ୍ୟାଣ ଯୋଜନା, ଉପଯୋଗୀତା ଦେୟ ଏବଂ ଅଧିକ ନାଗରିକ କେନ୍ଦ୍ରିକ ସେବା ସୁଗମ ଭାବରେ ପାଇପାରିବେ ।
• ନାଗରିକମାନଙ୍କ ପାଇଁ ଉପଲବ୍ଧ ସର୍ବାଧିକ ୨୫୪ଟିସେବା ପ୍ରଦାନ କରି ମହାରାଷ୍ଟ୍ର ଦେଶରେ ଅଗ୍ରଣୀ, ଦିଲ୍ଲୀ ୧୨୩, କର୍ଣ୍ଣାଟକ ୧୧୩, ଆସାମ ୧୦୨ଏବଂ ଉତ୍ତର ପ୍ରଦେଶ ୮୬ଟି ଇ-ସେବା ପ୍ରଦାନ କରି ଏହାର ପଛରେ ଅଛନ୍ତି
• ଡିଜିଲକର ଏବଂ ଇ-ଡିଷ୍ଟ୍ରିକ୍ଟ ପ୍ଲାଟଫର୍ମ ଜରିଆରେ ଓଡ଼ିଶାରେ ଉପଲବ୍ଧ ହେଉଛି ୩୭ଟି ଇ-ସେବା
ନୂଆଦିଲ୍ଲୀ, (ପିଆଇବି) : ଡିଜିଲକର ଏବଂ ଇ-ଡିଷ୍ଟ୍ରିକ୍ଟ ପ୍ଲାଟଫର୍ମରେ ଇ-ଗଭର୍ଣ୍ଣାନ୍ସ ସେବାର ଏକୀକରଣ କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ସଫଳତା ମିଳିଛି । ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରଣାଳୟ ଅଧୀନ ଜାତୀୟ ଇ-ଗଭର୍ଣ୍ଣାନ୍ସ ଡିଭିଜନ ସର୍ବଭାରତୀୟ ସ୍ତରରେ ପ୍ରାୟ ୨ ହଜାରଟି ଇ-ସରକାରୀ ସେବାକୁ ଏହି ଦୁଇଟି ପ୍ଲାଟଫର୍ମରେ ସାମିଲ କରିଛି । ଏହା ଡିଜିଟାଲ ଇଣ୍ଡିଆ ପାଇଁ ଏକ ବଡ଼ ସଫଳତା । ଏହି ସଫଳତା ସହିତ, ସମସ୍ତ ୩୬ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ନାଗରିକମାନେ ଏବେ ଯେକୌଣସି ସ୍ଥାନରୁ, ଯେକୌଣସି ସମୟରେ ପ୍ରାୟ ୨ହଜାରଡିଜିଟାଲ୍ ସେବା ସୁଗମ ଭାବରେ ପାଇପାରିବେ । ସମନ୍ୱିତ ସେବାଗୁଡ଼ିକ ନାଗରିକଙ୍କ ଆବଶ୍ୟକତାର ଏକ ବିସ୍ତୃତ ପରିସରକୁ ସାମିଲ କରିଥାଏ । ଏଥିରେ ବିଭିନ୍ନ ପ୍ରମାଣପତ୍ର, କଲ୍ୟାଣକାରୀ ଯୋଜନା, ବିଦ୍ୟୁତ ଓ ପାଣି ବିଲ୍ ଭଳି ବିଭିନ୍ନ ଉପଯୋଗୀତା ଦେୟ ଏବଂ ଅନ୍ୟାନ୍ୟ ଅତ୍ୟାବଶ୍ୟକ ସୁବିଧା ଅନ୍ତର୍ଭୂକ୍ତଯାହା ଦ୍ଵାରା ସେବା ବିତରଣରେ ସୁବିଧା, ଦକ୍ଷତା ଏବଂ ସ୍ୱଚ୍ଛତା ସୁନିଶ୍ଚିତ ହୁଏ । ଏହା ଡିଜିଟାଲ ଇଣ୍ଡିଆ କାର୍ଯ୍ୟକ୍ରମର ଲକ୍ଷ୍ୟକୁ ସାକାର କରିବା, କାଗଜବିହୀନ ଏବଂ ମୋବାଇଲ୍ ଆଧାରିତ ପ୍ରଶାସନକୁ ପ୍ରୋତ୍ସାହିତ କରିବା ଏବଂ ଦୀର୍ଘସ୍ଥାୟୀ ବିକାଶ ଲକ୍ଷ୍ୟରେ ସିଧାସଳଖ ଯୋଗଦାନ ଦେବାରେ ଏକ ପ୍ରମୁଖ ଉପଲବ୍ଧି । ଡିଜିଲକର ଭାରତର ଡିଜିଟାଲ ସାର୍ବଜନୀନ ଭିତ୍ତିଭୂମିର ଏକ ଦୃଢ଼ ସ୍ତମ୍ଭ ଭାବରେ ଉଭା ହୋଇଛି ଯାହା ଆନ୍ତଃକାର୍ଯ୍ୟକ୍ଷମତା, ତଥ୍ୟ ସୁରକ୍ଷା ଏବଂ ବହୁ-ଭାଗୀ ସମନ୍ୱୟର ଆହ୍ୱାନଗୁଡ଼ିକୁ ସଫଳତାର ସହିତ ମୁକାବିଲା କରିଛି । ଏହାର ଅଭିନବ ଏବଂ ସ୍ଥିର ଢାଞ୍ଚା ସହଜ ଉପଲବ୍ଧତା, ଅନ୍ତର୍ଭୁକ୍ତିକରଣ ଏବଂ ନିର୍ଭରଯୋଗ୍ୟତାକୁ ସୁଲଭ କରିଛି । ଏହା ମଧ୍ୟ ବିଶ୍ୱସ୍ତ ଡିଜିଟାଲ ସେବା ପ୍ରଦାନ କରି ସାରା ଦେଶରେ ନାଗରିକମାନଙ୍କୁ ସଶକ୍ତ କରିଛି । ଉପରୋକ୍ତ ଦୁଇଟି ପ୍ଲାଟଫର୍ମରେ ମହାରାଷ୍ଟ୍ରର ନାଗରିକମାନେ ବର୍ତ୍ତମାନ ସର୍ବାଧିକ ୨୫୪ ସେବାର ସୁବିଧା ପାଇଛନ୍ତି । ଏହା ପରେ ଦିଲ୍ଲୀ ୧୨୩, କର୍ଣ୍ଣାଟକ ୧୧୩, ଆସାମ ୧୦୨ ଏବଂ ଉତ୍ତର ପ୍ରଦେଶ ୮୬ ସେବାକୁ ଏହି ଇ-ପ୍ଲାଟଫର୍ମରେ ସାମିଲ କରିଛନ୍ତି । ଏହା ବ୍ୟତୀତ, କେରଳ ଏବଂ ଜମ୍ମୁ ଏବଂ କାଶ୍ମୀରରେ ୭୭ଟି ଲେଖାଏଁ ସେବା ପ୍ରଦାନ କରାଯାଉଛି । ଆନ୍ଧ୍ର ପ୍ରଦେଶ ୭୬ ଏବଂ ଗୁଜରାଟ ୬୪ ସେବା ପ୍ରଦାନ କରୁଛି । ସେହିପରି, ତାମିଲନାଡୁ ଏବଂ ଗୋଆ ୬୩ ଲେଖାଏଁ ସେବା ପ୍ରଦାନ କରୁଥିବା ବେଳେ ହରିୟାଣା ୬୦ ଏବଂ ହିମାଚଳ ପ୍ରଦେଶ ୫୮ ସେବା ପ୍ରଦାନ କରୁଛି । ସେହିପରି ଓଡ଼ିଶାରେ ୩୭ଟି ଇ-ସରକାରୀ ସେବା ଉପଲବ୍ଧ ହେଉଛି । ମୋଟ, ସମଗ୍ର ଦେଶରେ ନାଗରିକମାନଙ୍କ ପାଇଁ ବର୍ତ୍ତମାନ ୧,୯୩୮ରୁ ଅଧିକ ସେବା ଉପଲବ୍ଧ।ୟ ଇ-ଗଭର୍ଣ୍ଣାନ୍ସ ଡିଭିଜନ ଏକ ଏଆଇ-ଚାଳିତ ପଦ୍ଧତି ମାଧ୍ୟମରେ ଉଦୀୟମାନ ପ୍ରଯୁକ୍ତିବିଦ୍ୟା ଗ୍ରହଣ କରି ଇ-ସରକାରୀ ସେବାର ପୋର୍ଟଫୋଲିଓକୁ ଆହୁରି ବିସ୍ତାର କରିବାକୁ ଯୋଜନା କରୁଛି। ରାଜ୍ୟ ସ୍ତରରେ ସଚେତନତାକୁ ସୁଦୃଢ଼ କରିବା ପାଇଁ ଢାଞ୍ଚାଗତ ତାଲିମ କାର୍ଯ୍ୟକ୍ରମ ଏବଂ କର୍ମଶାଳା ଆୟୋଜନ କରାଯିବ । ନିରନ୍ତର ନବସୃଜନ, ଅଧିକ ଅନ୍ତର୍ଭୁକ୍ତିକରଣ ଏବଂ ଶେଷ ମାଇଲ ପର୍ଯ୍ୟନ୍ତ ସେବା ଯୋଗାଣକୁ ଆହୁରି ଉନ୍ନତ କରିବାକୁ ମଧ୍ୟ ଲକ୍ଷ୍ୟ ରଖାଯାଇଛି । ଡିଜିଟାଲ୍ ରୂପେସମର୍ଥ ଏବଂ ସମାବେଶୀ ଭାରତ ଗଠନ ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣ ସହିତ ଏହି ମାଇଲଖୁଣ୍ଟ ନାଗରିକମାନଙ୍କୁ ସଶକ୍ତ କରିବା ଏବଂ ଶାସନକୁ ପରିବର୍ତ୍ତନ କରିବା ପାଇଁ ପ୍ରଯୁକ୍ତିବିଦ୍ୟାର ଉପଯୋଗ କରିବା ପ୍ରତି ସରକାରଙ୍କ ପ୍ରତିବଦ୍ଧତାକୁ ସ୍ପଷ୍ଟ କରେ । ସୂଚନାଯୋଗ୍ୟ ଜାତୀୟ ଇ-ଗଭର୍ଣ୍ଣାନ୍ସ ଡିଭିଜନଇ-ଗଭର୍ଣ୍ଣାନ୍ସ ପ୍ରକଳ୍ପଗୁଡ଼ିକର କାର୍ଯ୍ୟକ୍ରମ ପରିଚାଳନା ଏବଂ କାର୍ଯ୍ୟାନ୍ୱୟନରେ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟକୁ ସମର୍ଥନ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି ।