- ରାଉରକେଲା ସାର୍ଥକ ଦେବତା ସର୍ବଭାରତୀୟ ଚାମ୍ପିୟାନ୍
କଣ୍ଟାବାଞ୍ଜି, (କେପିଏନ୍ଏସ୍) : କଣ୍ଟାବାଞ୍ଜି ଚେସ୍ ଏସୋସେସନ୍ ପକ୍ଷରୁ ସ୍ଥାନୀୟ ହରିଭବନଠାରେ ଜିଲ୍ଲା ଚେସ୍ ଏସୋସେସନ୍ ସହଯୋଗରେ ଆଜି ପ୍ରଥମ ବର୍ଷ ସର୍ବଭାରତୀୟ ବିଜୁ ପଟ୍ଟନାୟକ ଓପନ୍ ଚେସ୍ ଚାମ୍ପିୟାନ୍ସିପ ଆଜି ଉଦ୍ଯାପିତ ହୋଇଯାଇଛି । ୩ ଦିନ ଧରି ଚାଲିଥିବା ଏହି ଖେଳରେ ୯ ରାଉଣ୍ଡ ହୋଇଥିଲା । ଆଜିର ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟସଭା ସାଂସଦ ନିରଞ୍ଜନ ବିଶି, ସମ୍ମାନିତ ଅତିଥି ଭାବେ କଣ୍ଟାବାଞ୍ଜି ନଗରପାଲ ବରିୟାମ ସିଂହ ସାଲୁଜା, ସ୍ୱତନ୍ତ୍ର ଉନ୍ନୟନ ପରିଷଦ ବଲାଙ୍ଗିର ଜିଲ୍ଲା ଉପାଧ୍ୟକ୍ଷ ନିରୂପମା ମାଝୀ, ମାରୱାଡ଼ି ଯୁବା ମଞ୍ଚ ରାଜ୍ୟ ଉପସଭାପତି ଅଙ୍କୁର ଅଗ୍ରୱାଲ, ୟୁନିୟନ୍ ବ୍ୟାଙ୍କ ମ୍ୟାନେଜର ରାଜେଶ କୁମାର, ଅଗ୍ରୱାଲ ସଭା ଟ୍ରଷ୍ଟ ଅଧ୍ୟକ୍ଷ ସୁରେଶ ଆର୍ଯ୍ୟ, ରଞ୍ଜିତ ସିଂହ ବାବୁ, ଆୟୋଜକ କମିଟି ସଭାପତି ସୁକଦେବ ମହାନ୍ତି, ସମ୍ପାଦକ ମଚିନ୍ଦ୍ର ନାରାୟଣ ବେହେରା, ପ୍ରତିଯୋଗିତା ପରିଚାଳକ ଭାବେଶ ମହାନ୍ତି, କ୍ଷୀରଧର ଦଲେଇ ପ୍ରମୁଖ ମଞ୍ଚାସୀନ ଥିଲେ । ମଞ୍ଚ ପରିଚାଳନା କ୍ଷୀରଧର ଦଳେଇ କରିଥିବା ବେଳେ ଧନ୍ୟବାଦ ଜ୍ଞାପନ ଖେଳ ନିର୍ଦ୍ଦେଶକ ଆଶିଷ ଖଇତାନ କରିଥିଲେ । ଏହି ଚାମ୍ପିୟାନ୍ସିପ୍ରେ ରାଜ୍ୟ ତଥା ରାଜ୍ୟ ବାହାର ୧୬୭ ପ୍ରତିଯୋଗୀ ଭାଗ ନେଇଥିଲେ । ଅନ୍ୟ ପକ୍ଷରେ ଏଭଳି ଆୟୋଜନ ଯୋଗୁ କଣ୍ଟାବାଞ୍ଜିର ଚେସ୍ ଖେଳାଳିମାନେ ଉତ୍ସାହିତ ହୋଇ ଆଗକୁ ଏଭଳି ପ୍ରତିଯୋଗିତାରେ ଭାଗ ନେବାକୁ ଆସିବେ ତାହା ଖେଳାଳିମାନଙ୍କ ପାଇଁ ଶୁଭ ସଂକେତ ବୋଲି ମଞ୍ଚାସୀନ ଅତିଥି କହିଥିଲେ । ଚାମ୍ପିୟାନ୍ ଭାବେ ରାଉରକେଲାର ସାର୍ଥକ ଦେବତା, ଉପ ବିଜେତା ଭାବେ ଗଞ୍ଜାମର ଶ୍ରୀହନ ସାବତ, କଣ୍ଟାବାଞ୍ଜି ଭବାନୀ ପ୍ରସାଦ ମେହେର, ରାଜେଶ କୁମାର ବିହାର, ଲୋକାଲ୍ ଚାମ୍ପିୟାନ୍ ସତୀଶ ମାରୁ ହୋଇଛନ୍ତି । ଏହା ସହ ଅନ୍ୟ କ୍ଷେତ୍ରର ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଛି । କଣ୍ଟାବାଞ୍ଜି ଚେସ୍ ଏସୋସେସନ୍ କାର୍ଯ୍ୟକାରୀ ସଭାପତି ସତୀଶ ମାରୁ, ଦେବେନ୍ଦ୍ର ଯୋଶୀ, ଜିତେଶ ମାରୁ, ଦେବ ମହାନ୍ତି, ଦେବାର ବାରିକ, ପ୍ରଶାନ୍ତ ପାଢୀ, ବିଶ୍ଵନାଥ ଅଗ୍ରୱାଲ, ଅରବିନ୍ଦ ଚନ୍ଦନ, ବିବେକ ଶର୍ମା, ପ୍ରିତିଶ ମହାନ୍ତି, ମନୀଷ ଜୈନ, ବିପୁଳ ମାରୁ, ନବିନ କୁଅର, ପ୍ରମୁଖ ସହଯୋଗ କରିଥିଲେ ।