- ରାଜ୍ୟ ଗୋଷ୍ଠି କରାଟେରେ ତମନ୍ନାଙ୍କୁ ରୌପ୍ୟ ପଦକ
ବଲାଙ୍ଗିର, (ଦେବାଶିଷ ମିଶ୍ର) : ଦକ୍ଷିଣ ଆଫ୍ରିକାରେ ଆୟୋଜିତ ଏକାଦଶ ରାଜ୍ୟ ଗୋଷ୍ଠି କରାଟେ ପ୍ରତିଯୋଗିତାରେ ବଲାଙ୍ଗିରକୁ ଐତିହାସିକ ସଫଳତା ମିଳିଛି । ଏଥିରେ ବଲାଙ୍ଗିର ମାଟିର ଝିଅ ତମନ୍ନା ମେହେରଙ୍କୁ କନିଷ୍ଠ ମହିଳା ଦଳଗତ କରାଟେ ପ୍ରତିଯୋଗିତାରେ ରୌପ୍ୟ ପଦକ ଅର୍ଜନ କରି ବଲାଙ୍ଗିରକୁ ଗୌରବ ଆଣି ଦେଇଛନ୍ତି । ଏହି ପ୍ରତିଯୋଗିତାରେ ଓଡିଶା କରାଟେ ଖେଳାଳିମାନେ ୪ଟି ସ୍ୱର୍ଣ୍ଣ, ୨ଟି ରୌପ୍ୟ ଓ ୫ଟି କାଂସ୍ୟ ପଦକ ସହିତ ସମୁଦାୟ ୧୧ଟି ପଦକ ହାସଲ କରି ଇତିହାସ ରଚିଛନ୍ତି । ରାଜ୍ୟ ଓ ଜାତୀୟ ପ୍ରଦର୍ଶନ ଆଧାରରେ ୧୬ ଜଣ ଓଡିଆ ପ୍ରତିଯୋଗୀ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ସମସ୍ତ କୃତି ପ୍ରତିଯୋଗୀଙ୍କୁ ରାଜ୍ୟ ଓ ଜିଲ୍ଲା କରାଟେ ସଂଘ ତଥା ବଲାଙ୍ଗିର କରାଟେ ସ୍କୁଲ ତରଫରୁ ଶୁଭେଚ୍ଛା ଓ ଶୁଭକାମନା ପ୍ରଦାନ କରାଯାଇଛି ।