ନୂଆପଡା, (ପୁସ୍ତମ ଯୁଆଡି) : ନୂଆପଡ଼ା ସ୍ଥାନୀୟ ନେସନାଲ୍ ଉଚ୍ଚ ବିଦ୍ୟାଳୟରେ ଅନୁଷ୍ଠିତ ହୋଇଥିବା ଜିଲ୍ଲାସ୍ତରୀୟ ଶିଶୁ ମହୋତ୍ସବ ସୁରଭି କାର୍ଯ୍ୟକ୍ରମରେ କୋମନା ବ୍ଲକ ଶୁକ୍ଲିମୁଣ୍ଡି ବିଦ୍ୟାଳୟର ତିନି ଜଣ ଛାତ୍ରଛାତ୍ରୀ ପୁରସ୍କୃତ ହୋଇଛନ୍ତି । କନିଷ୍ଠ ବିଭାଗ ବକ୍ତୃତା ପ୍ରତିଯୋଗିତାରେ ଜ୍ୟୋସ୍ନାମୟୀ ଦାସ ପ୍ରଥମ ସ୍ଥାନ ଅଧିକାର କରି ରାଜ୍ୟସ୍ତରୀୟ ସୁରଭି ନିମନ୍ତେ ମନୋନୀତ ହୋଇଛନ୍ତି । ସେହିପରି ସୃଜନଶୀଳ ଲିଖନରେ ବଳରାମ ମହାନନ୍ଦ ଦ୍ୱିତୀୟ ଏବଂ ସଙ୍ଗୀତରେ ଯଶୋବନ୍ତ ଶବର ତୃତୀୟ ସ୍ଥାନ ଅଧିକାର କରି ଅତିଥି ବୃନ୍ଦଙ୍କ ହସ୍ତରୁ ପୁରସ୍କାର ଗ୍ରହଣ କରିଥିଲେ । ଏ ଅବସରରେ ଶୁକ୍ଲିମୁଣ୍ଡି ବିଦ୍ୟାଳୟରେ ଉକ୍ତ ଛାତ୍ରଛାତ୍ରୀମାନଙ୍କୁ ପ୍ରଧାନ ଶିକ୍ଷକ ନାରାୟଣଦାଶ ପାଢୀ ସମ୍ବର୍ଦ୍ଧିତ କରିଥିଲେ । ଗୌରଚନ୍ଦ୍ର ଶବର, ଭିକାରୀ ଶବର, ସନ୍ତୋଷିନୀ ଶବର, ଉର୍ମିଲା ମହାନ୍ତି, ବଉଦ ଶବର, ଶୋଭାକର ପ୍ରଧାନ, ମମତା ବେହେରା, ସସ୍ମିତା ବେହେରା ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ ।