ବଲାଙ୍ଗିର, (ଦେବାଶିଷ ମିଶ୍ର) : ରାଜସ୍ଥାନ ଜୟପୁର ସ୍ଥିତ ସ୍ୱାଇ ମାନସି ଷ୍ଟାଡିୟମରେ ଗତ ୨୯ ଓ ୩୦ ତାରିଖ ଦୁଇ ଦିନ ଧରି ସର୍ବ ଭାରତୀୟ କରାଟେ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ବଲାଙ୍ଗିର ଜିଲ୍ଲା କରାଟେ ଅର୍ଗାନାଇଜେସନର ୯ ଜଣ ପ୍ରତିଯୋଗୀ ଏଥିରେ ଭାଗ ନେଇ ସଫଳତା ହାସଲ କରିଛନ୍ତି । ଏଥିରେ କରାଟେ ଅର୍ଗାନାଇଜେସନର ପ୍ରତିଷ୍ଠାତା ତଥା କୋଚ ଅସୀମ କୁମାର ଭୋଇଙ୍କ ନେତୃତ୍ୱରେ ଭାଗ ନେଇଥିବା ପ୍ରତିଯୋଗୀଙ୍କ ମଧ୍ୟରେ ବାଳିକା କୁମିତେ ବିଭାଗରେ ସମୀକ୍ଷା ସମୃଦ୍ଧି ଷଡଙ୍ଗୀ ସ୍ୱର୍ଣ୍ଣ ଓ କାତାରେ ରୌପ୍ୟ ପଦକ, ପ୍ରାଚୀ ବେହେରା କାତାରେ ସ୍ୱର୍ଣ୍ଣ ପଦକ, ସାଇଶ୍ରୀୟା ମହାକୁର କାତାରେ ବ୍ରୋଞ୍ଚ ପଦକ, ସୁହାନି ପଣ୍ଡା କୁମିତେରେ ବ୍ରୋଞ୍ଜ ପଦକ ପାଇଥିବା ବେଳେ ବାଳକ ବିଭାଗରେ ଆୟୁଷ୍ମାନ ଓମକାର ସାହୁ କୁମିତେରେ ରୌପ୍ୟ ପଦକ, ସ୍ୱସ୍ତିକ ମହାରଣା ଓ ସେଖ ମହମ୍ମଦ ଅସିଫ ରାଜା କୁମିତେରେ ବ୍ରୋଞ୍ଜ ପଦକ, ମିଥିଲେସ ବେହେରା ଓ ଜୟମ ସାହୁ କାତା ବିଭାଗରେ ବ୍ରୋଞ୍ଜ ପଦକ ହାସଲ କରିଛନ୍ତି । ଏହି ଅବସରରେ କରାଟେ ଇଣ୍ଡିଆ ଅର୍ଗାନାଇଜେସନର ଜାତୀୟସ୍ତରୀୟ ରେଫରୀ ଅସୀମ କୁମାର ଭୋଇ ସମସ୍ତ ରେଫରିଙ୍କୁ ଡବ୍ଲୁକେଏଫୀର ନୂତନ ନିୟମ ବିଷୟରେ ସୂଚନା ଦେଇଥିଲେ । ଏଥିରେ ଶ୍ରୀ ଭୋଇଙ୍କୁ ମୋମେଣ୍ଟୋ ସହ ସମ୍ମାନିତ କରାଯାଇଥିଲା ।