ପଦ୍ମପୁର, (ନିରୋଜ କୁମାର ପାଣୀ) : ଶିକ୍ଷାକୁ ଜୀବନର ବ୍ରତ ରୂପେ ପାଥେୟ କରି ନିଜର ଦକ୍ଷତା ଓ ପାରିଦର୍ଶିତା ପ୍ରତିଭା ରଖି ଶିକ୍ଷକତା କରୁଥିବା ଶିକ୍ଷକ କୁଳମଣି ସାହୁ ବରଗଡ ଜିଲ୍ଲା ଶିକ୍ଷା ଅଧିକାରୀଙ୍କ ଦ୍ୱାରା ସମ୍ମାନିତ ହୋଇଛନ୍ତି । ସେ ଜଣେ ମେଧାବୀ, ସରଳ, ବିନମ୍ର, କର୍ତ୍ତବ୍ୟ ନିଷ୍ଠ, ସମାୟାନୁବର୍ତ୍ତିତା, ଛାତ୍ରବତ୍ସଳ ଶିକ୍ଷକ ଅଟନ୍ତି । ବର୍ତ୍ତମାନ ପଦ୍ମପୁର ଉପଖଣ୍ଡ ବରିହାପାଲି ପଞ୍ଚାୟତ ଉଚ୍ଚ ବିଦ୍ୟାଳୟରେ କାର୍ଯ୍ୟରତ । ବରଗଡ ଜିଲ୍ଲା ଶିକ୍ଷା ଅଧିକାରୀଙ୍କ ଦ୍ୱାରା ଆୟୋଜିତ ପଦ୍ମପୁର ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଚାଲୁଥିବା ନେତୃତ୍ୱ ଓ ଦକ୍ଷତା ବିକାଶ ପ୍ରଶିକ୍ଷଣରେ ପଞ୍ଚମ ସ୍ତର ନେତୃତ୍ୱ ନିମିତ୍ତ ପୁରସ୍କୃତ ହୋଇଛନ୍ତି ଶିକ୍ଷକ କୁଳମଣି ସାହୁ । ସେ ତାଙ୍କର ଏହି ସମ୍ମାନକୁ ଶିକ୍ଷକମାନଙ୍କ ଉଦ୍ଦେଶ୍ୟରେ ସମର୍ପଣ କରି ନିଜ ବିନମ୍ରତା ତଥା ଗର୍ବ ଓ ଗୌରବ । ତାଙ୍କର ଏ ସମ୍ମାନ ଏ ଅଞ୍ଚଳର ତଥା ଶିକ୍ଷକ ସମାଜ ପାଇଁ ଏକ ଉଦାହରଣ ସୃଷ୍ଟି କରିଛି ।