ପୁରୀ, (କେପିଏନ୍ଏସ୍) : ସାହିତ୍ୟ କ୍ଷେତ୍ରରେ ଅନନ୍ୟ ସୃଷ୍ଟି ପାଇଁ କବିଶ୍ରୀ ନବକିଶୋର ବେହେରା ଏବଂ ପ୍ରାଧ୍ୟାପକ ଦୁର୍ବାଦଳ ଘିବେଲାଙ୍କୁ ‘ବେଳାଭୂମି ସାହିତ୍ୟ ସଂସଦ’ ଅସ୍ତରଙ୍ଗ, ପୁରୀ ୨୦୨୩ ବର୍ଷ ପାଇଁ ରାଜ୍ୟସ୍ତରୀୟ ଶ୍ରେଷ୍ଠ ବେଳାଭୂମି ସମ୍ମାନ ପ୍ରଦାନ କରାଯାଇଛି । ଏକ ବର୍ଣ୍ଣାଢ଼୍ୟ ସମାରୋହରେ ଓଡ଼ିଶା ସରକାରଙ୍କ କ୍ରୀଡ଼ା ତଥା ଗୃହରାଷ୍ଟ୍ର ମନ୍ତ୍ରୀ ତୁଷାର କାନ୍ତୀ ବେହେରା ମାନପତ୍ର ଓ ଉତ୍ତରୀୟ ପ୍ରଦାନ ପୂର୍ବକ ଉଭୟଙ୍କୁ ସମ୍ମାନିତ କରିଥିଲେ । ପ୍ରକାଶ ଥାଉକି ଶ୍ରୀ ବେହେରା ଓଡ଼ିଆ କବିତା, ପ୍ରବନ୍ଧ, ଗଳ୍ପ କ୍ଷେତ୍ରରେ ରାଜ୍ୟ ସ୍ତରରେ ବିଭିନ୍ନ ଅନୁଷ୍ଠାନ ଦ୍ଵାରା ସମ୍ମାନିତ ହୋଇଛନ୍ତି । ସେହିପରି ପ୍ରାଧ୍ୟାପକ ଦୁର୍ବାଦଳ ଘିବେଲା ଓଡ଼ିଆ ଏବଂ ଇଂରାଜୀ ସାହିତ୍ୟରେ ଜାତୀୟ ଏବଂ ଆନ୍ତର୍ଜାତୀୟ ସ୍ତରରେ ଏକ ପ୍ରମୁଖ ସ୍ଥାନ ଗ୍ରହଣ କରିପାରିଛନ୍ତି ।