ବାରିପଦା : ସାଂସ୍କୃତିକ କ୍ଷେତ୍ରକୁ ଅତୁଳନୀୟ ଅବଦାନ ପାଇଁ ପ୍ରଦାନ କରାଯାଉଥିବା ଦେଶର ସବୁଠାରୁ ସମ୍ମାନଜନକ ‘ସଙ୍ଗୀତ ନାଟକ ଏକାଡେମୀ ସମ୍ମାନ’ରେ ଭୂଷିତ ହେଲେ ମୟୂରଭଞ୍ଜ ବିଶିଷ୍ଟ ଛଉ ନୃତ୍ୟ ଗୁରୁ ତ୍ରିଲୋଚନ ମହାନ୍ତ । ଗୁରୁବାର ନୂଆଦିଲ୍ଲୀଠାରେ ଆୟୋଜିତ ଏକ ସ୍ଵତନ୍ତ୍ର ଉତ୍ସବରେ ଭାରତର ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଛଉ ନୃତ୍ୟ ଗୁରୁ ଶ୍ରୀ ମହାନ୍ତଙ୍କୁ ଏହି ମର୍ଯ୍ୟାଦା ଜନକ ସମ୍ମାନରେ ସମ୍ମାନିତ କରିଛନ୍ତି । ଶ୍ରୀ ମହାନ୍ତ ଛଉ ନୃତ୍ୟ ଗୁରୁ ଭାବେ ଦୀର୍ଘ ବର୍ଷ ଧରି ମୟୂରଭଞ୍ଜ ଛଉକୁ ଦିଶା ନିର୍ଦ୍ଦେଶ କରି ଆସୁଥିବା ବେଳେ ଛଉ ସହିତ ଦୀର୍ଘ ୩ ଦଶନ୍ଧି ଧରି ଜଡିତ ଅଛନ୍ତି ।