କଣ୍ଟାବାଞ୍ଜି, (ଗୁରୁଦୟାଲ ହଂସ) : ବଲାଙ୍ଗିର ସ୍ୱଚ୍ଛାସେବୀ ସଂଗଠନର ପକ୍ଷରୁ ଆୟୋଜିତ ବାର୍ଷିକ ଭେଟ୍ଘାଟ୍ କାର୍ଯ୍ୟକ୍ରମରେ କଣ୍ଟାବାଞ୍ଜି ସହରର ନୂଆପଡା ବାସିନ୍ଦା ଯୁବ ସମାଜସେବୀ ଶାନ୍ତନୁ ବିଭାରଙ୍କୁ ସମର୍ପଣ ସେବା ସମ୍ମାନ ୨୦୨୪ରେ ସମ୍ମାନିତ କରାଯାଇଛି । ଅନେକ ସମୟରେ ଅସହାୟ ପରିବାରଙ୍କୁ ସେ ସହାୟତାର ହାତ ବଢାଇଥିବା ବେଳେ ଦୁର୍ଘଟଣା ଗ୍ରସ୍ତଙ୍କୁ ସେ ଉଦ୍ଧାର କରି ସେ ଡାକ୍ତରଖାନା ପହଞ୍ଚାଇଥାନ୍ତି । ତାଙ୍କ ସେବା ମନୋବୃତ୍ତି ସବୁ ବେଳେ ନିଆରା ରହିଥାଏ । ସେଥିପାଇଁ ସେ ଅନେକ ମଞ୍ଚରେ ସମ୍ବର୍ଦ୍ଧିତ ହୋଇଛନ୍ତି । ଶାନ୍ତନୁ ସ୍ୱେଚ୍ଛାସେବୀ ସଂଗଠନ ପକ୍ଷରୁ ସମର୍ପଣ ସେବା ସମ୍ମାନ ୨୦୨୪ରେ ସମ୍ବର୍ଦ୍ଧିତ ହୋଇଥିବାରୁ ତାଙ୍କୁ ଅନେକ ବ୍ୟକ୍ତି ବିଶେଷ ଶୁଭେଚ୍ଛା ଜଣାଉଛନ୍ତି ।