ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁର ସ୍ଥିତ ଶିବକୁମାର ରିଡିଙ୍ଗରୁମ୍ ପରିସରରେ ଅନୁଷ୍ଠିତ ବିଜୁବାବୁଙ୍କ ୧୦୭ତମ ଜୟନ୍ତୀ ଦିବସ ଓ ସାରସ୍ୱତ ସମାରୋହରେ ବିଜୁବାବୁଙ୍କ ଆଦର୍ଶରେ ଅନୁପ୍ରାଣିତ ହୋଇଥିବା ବହୁ ବିଶିଷ୍ଟ ଗଣ୍ୟମାନ୍ୟ ବ୍ୟକ୍ତିଙ୍କୁ ସମ୍ବର୍ଦ୍ଧିତ କରାଯାଇଥିଲା । ବିଶ୍ୱନାଥ ସୁବୁଦ୍ଧି, ବିଶ୍ୱନାଥ ସାହୁ, ପ୍ରକାଶ ପଣ୍ଡା, ବଟକୃଷ୍ଣ ପଣ୍ଡା, ପୂର୍ବତନ ବିଧାୟକ ଅଶୋକ ଚୌଧୂରୀ ପ୍ରମୁଖଙ୍କୁ ତାଙ୍କ ଆଦର୍ଶତାକୁ ପ୍ରତିପାଦନ କରାଯାଇ ସମ୍ମାନିତ କରାଯାଇଛି । ନଗର ବିଜେଡି ସଭାପତି ବି.ରାଜିବାବୁଙ୍କ ସଂଯୋଜନାରେ ଆୟୋଜିତ ଏହି ସମାରୋହରେ ପୌର ଉପାଧ୍ୟକ୍ଷ ଜି. ପାପାରାଓ, ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା, ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, କାଉନସିଲର, ପିଆର ମେମ୍ବର ପ୍ରମୁଖ ବହୁ ଗଣ୍ୟମାନ୍ୟ ବ୍ୟକ୍ତି ଯୋଗଦେଇ ସ୍ୱର୍ଗୀୟ ବିଜୁବାବୁଙ୍କ ଆଦର୍ଶ ଜୀବନୀ ଉପରେ ଆଲୋକପାତ କରିଥିଲେ । ତାଙ୍କରି ଆଦର୍ଶରେ ଆଗାମୀ ଯୁବପିଢି ଅନୁପ୍ରାଣିତ ହେବାକୁ ଆହ୍ୱାନ ଦିଆଯାଇଛି ।। ନଗର ବିଜେଡି ଉପ ସଭାପତି ଅଟଳ ବିହାରୀ ପଟ୍ଟନାୟକ, ଛତ୍ରପୁର ନଗର ଯୁବ ବିଜେଡ଼ି ସଭାପତି ସନମୁଖ ପଟ୍ଟନାୟକ, ଆଡଭୋକେଟ୍ ସିମାଞ୍ଚଳ ମହାପାତ୍ର, ଛତ୍ରପୁର ଏନଏସି କାଉନସିଲରଗଣ, ବିଜେଡ଼ି ଦଳୀୟ ନେତ୍ତୃବର୍ଗ ପ୍ରମୁଖ ବହୁ ଗଣ୍ୟମାନ୍ୟ ବ୍ୟକ୍ତି ଯୋଗଦେଇ ଏହାକୁ ସଫଳ ମଣ୍ଡିତ କରିଥିଲେ ।