ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ସ୍ଥିତ ମାଟିଖାଲ ନିକଟରେ ଥିବା ଭାରତ ସରକାରଙ୍କ ଏକ ପ୍ରତିଷ୍ଠାନ ଭାରତୀୟ ବିରଳ ମୃତ୍ତିକା ଆଇଆରଇଏଲ୍(ଇଣ୍ଡିଆ) ଲିଃ.ର ମୁଖ୍ୟ ପରିଚାଳକ ତଥା ଓସ୍କୋମ ହେଡ ଏ.ଜେ.ଜନାର୍ଥନାନ୍ ଏବଂ ଉକ୍ତ ପ୍ରତିଷ୍ଠାନରେ ନିୟୋଜିତ ଡାକ୍ତର ଏ.ପାଲଙ୍କ ଇତିମଧ୍ୟରେ କାର୍ଯ୍ୟକାଳ ସରିଯାଇଛି । ପୃଥକ ଭାବେ ଉଭୟ ପ୍ରଶାସନିକ ଭବନରେ ଏବଂ ଶ୍ରୀ ଜଗନ୍ନାଥ ମନ୍ଦିର କମିଟି ତରଫରୁ ସେ ଦୁହିଁଙ୍କୁ ଆନୁଷ୍ଠାନିକ ଭାବେ ବିଦାୟ ସମ୍ବର୍ଦ୍ଧନା ଦିଆଯାଇଛି । ଶ୍ରୀ ଜଗନ୍ନାଥ ମନ୍ଦିର କମିଟି ତରଫରୁ ଆୟୋଜିତ ଆନୁଷ୍ଠାନିକ ସଭାରେ ୟୁନିୟନ ସମ୍ପାଦକ ଫାର୍ମାସିଷ୍ଟ୍ ହୃଷୀକେଶ ଆଚାର୍ଯ୍ୟ ସଭା ପରିଚାଳନା କରିଥିବା ବେଳେ କାର୍ଯ୍ୟକାରୀ ଦକ୍ଷ ସଦସ୍ୟ ଦୈତାରୀ ସେଠୀ, ନରେନ୍ଦ୍ର ପଟ୍ଟନାୟକ ଏହି କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ । ଅନ୍ୟମାନଙ୍କ ମଧ୍ୟରେ ଓସ୍କୋମ ହେଡ ଏ.ଜେ.ଜନାର୍ଥନାନ୍ଙ୍କ ସହଧର୍ମିଣୀ ଏ.ଜେ.ମହାଲକ୍ଷ୍ମୀ, ଆଶିଷ କୁଳଶ୍ରେଷ୍ଠ, କେ.କେ.ପାତ୍ର, ସି.ଭି.ଆର.ମୂର୍ତ୍ତି, ଡ଼ି.ପି.ଆର.ବି. ମହାନ୍ତି ପ୍ରମୁଖ ମଞ୍ଚାସୀନ ଥିଲେ । ସୋମବାର ସନ୍ଧ୍ୟାରେ ଆୟୋଜିତ ଏହି ଭବ୍ୟ ବିଦାୟ ସମ୍ବର୍ଦ୍ଧନା ଉତ୍ସବ ଆଇ.ଆର.ଇ. ଶ୍ରୀ ଜଗନ୍ନାଥ ମନ୍ଦିର ପରିସରରେ ଆୟୋଜିତ ହୋଇଥିଲା । ଆଇ.ଆର.ଇ. କମ୍ପାନୀ ପରିବାରବର୍ଗ ତଥା କଲୋନୀ ବାସିନ୍ଦାଙ୍କ ସମସ୍ତ ଜ୍ଞାତି କୁଟୁମ୍ବବର୍ଗ ସମୂହ ଏହି ଅବସରରେ ଆୟୋଜିତ ବର୍ଣ୍ଣାଢ୍ୟ ନୈଶ୍ୟ ଭୋଜି ସାମାରୋହରେ ଯୋଗ ଦେଇ ନିଆରା ମଜା ଓ ଖୁସି ମନାଇଥିଲେ ।