ପଦ୍ମପୁର, (ନିରୋଜ କୁମାର ପାଣୀ) : ଆଜି ପାଇକମାଲ ଯମୁନା କନ୍ଧୁଣୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ବିଦ୍ୟାଳୟ ପ୍ରଧାନ ଶିକ୍ଷକ ସୁଶାନ୍ତ କୁମାର ପଣ୍ଡାଙ୍କ ସଭାପତିତ୍ୱରେ ଅଭିଭାବକ, ଶିକ୍ଷକ, ଶିକ୍ଷୟତ୍ରୀ, ଛାତ୍ରୀମାନଙ୍କ ଗହଣରେ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଉକ୍ତ ସମ୍ୱର୍ଦ୍ଧନା ସଭାରେ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀ ରାଧାକାନ୍ତ ଛତ୍ରୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ପାଇକମାଲ ବ୍ଲକ ଶିକ୍ଷା ଅଧିକାରୀ ଚୂଡାମଣି ବାରିକ ଯୋଗଦାନ କରିଥିଲେ । ବିଦ୍ୟାଳୟର ଶ୍ରେଷ୍ଠ ଅଧ୍ୟୟନ କରୁଥିବା ଆଠ ଜଣ ଛାତ୍ରୀଙ୍କୁ ବିଦ୍ୟାଳୟ ‘ସାଇନିଙ୍ଗ ଷ୍ଟାର’ ଭାବେ ‘ବେଜ’ ପ୍ରଦାନ ସହିତ ତାଙ୍କୁ ଫୁଲ ତୋଡ଼ା ଦେଇ ଉତ୍ସାହିତ କରାଯାଇଥିଲା । ରାଧାକାନ୍ତ ଛତ୍ରୀ ବିଦ୍ୟାଳୟ ପ୍ରୟାସକୁ ପ୍ରଶଂସା କରିଥିଲେ । ସ୍କୁଲ ‘ସାଇନିଙ୍ଗ ଷ୍ଟାର’ରେ ମନୋନୀତ ହୋଇଥିବା ଛାତ୍ରୀମାନେ ହେଲେ ଦଶମ ଶ୍ରେଣୀର ଅଙ୍କିତା ପ୍ରିୟଦର୍ଶିନୀ ମହାରଣା, ମେଘାରାଣୀ ସାହୁ, ପ୍ରଜ୍ଞାପ୍ରିୟଦର୍ଶିନୀ ଦୀପ, ରୋଜି ସା, ବିନ୍ଦିଆ ସା, କାଜଲ ସାହୁ, ଉଷା ରଣା, ଭରସା ରାଣୀ ସାହୁ । ଏହି ଛାତ୍ରୀମାନଙ୍କ ସହିତ ଅଭିଭାବକମାନଙ୍କୁ ମଧ୍ୟ ସମ୍ବୋଧିତ କରାଯାଇଥିଲା । ତା ସହିତ ଗତ ୨୦୨୨ ଶିକ୍ଷା ବର୍ଷ ଦଶମ ଶ୍ରେଣୀ ପରୀକ୍ଷାରେ ୯୦% ରୁ ଅଧିକ ରଖିଥିବା ଛାତ୍ରୀ ତେଜସ୍ୱିନୀ ଦାସ, ତ୍ରିବେଣୀ ସୋନୀଙ୍କୁ ‘ଟ୍ରଫି’ ସହିତ ଉପଢୌକନ ଦେଇ ସମ୍ୱୋଧିତ କରାଯାଇଥିଲା । ଶେଷରେ ଶିକ୍ଷୟତ୍ରୀ ଅନିମା ରାଉତ ଧନ୍ୟବାଦ ଅର୍ପଣ କରିଥିଲେ ।