ରାଉରକେଲା, (ସସ୍ମିତା ପ୍ରଧାନ) : ସହରର ୨୫ଟି ନାଟ୍ୟ ଅନୁଷ୍ଠାନକୁ ନେଇ ଗଠିତ ଏକତ୍ର ରାଉରକେଲା ତରଫରୁ ସଦସ୍ୟ ସମାରୋହ ଓ ସ୍ୱତନ୍ତ୍ର ଅଧିବେଶନ ସେକ୍ଟର ୭ସ୍ଥିତ ମଧୁମଣ୍ଡପ ଠାରେ ଅନୁଷ୍ଠିତ ହୋଇଯାଇଛି । ଏକତ୍ରର ସଭାପତି ରାଜୀବ ପାଣିଙ୍କ ସଭାପତିସ୍ୱ ଓ ବିଦାୟୀ ସାଧାରଣ ସମ୍ପାଦକ ସୁଦେଶ ନାୟକଙ୍କ ଆବାହକତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାକ୍ତନ ସଭାପତି ଡ଼ଃ ସମର ମୁଦାଲି, ଉପଦେଷ୍ଟା ମିହିର ରାୟ, କାର୍ଯ୍ୟକାରୀ ସଭାପତି ଆଲୋକ ବୋଷ, ଉପସଭାପତି ରମେଶ ମହାନ୍ତି, କୋଷାଧ୍ୟକ୍ଷ ପ୍ରଜ୍ଞାନନ୍ଦ ମହାନ୍ତି ଓ ସମନ୍ୱୟ ସମ୍ପାଦକ ଅକ୍ଷୟ ଧଳ ପ୍ରମୁଖ ମଞ୍ଚାସୀନ ରହି ବକ୍ତବ୍ୟ ରଖିଥିଲେ । ପ୍ରାରମ୍ଭରେ ସଭାପତି ଶ୍ରୀ ପାଣି ଅତିଥି ମାନଙ୍କ ପରିଚୟ ସହ ଅନୁଷ୍ଠାନର ଲକ୍ଷ୍ୟ ଓ ଆଭିମୁଖ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ । ଡ଼ଃ ମୁଦାଲି ତାଙ୍କ ବକ୍ତବ୍ୟରେ କହିଲେ ଯେ ନାଟକ ଶୃଙ୍ଖଳା ଶିଖାଏ । ଏହାସହ ସମୟାନୁବର୍ତ୍ତିତା, ସଂଗଠିତ, ବରିଷ୍ଠ ଅଭିନେତା ମାନଙ୍କୁ ସମ୍ମାନିତ କରିବା ଓ ନାଟକ ପ୍ରତି ପ୍ରତିବଦ୍ଧତାକୁ ଗୁରୁତ୍ୱାରୋପ କରିଥିଲେ । ଉପଦେଷ୍ଟା ଶ୍ରୀ ରାୟ ରାଉରକେଲାର ଭାଇଚାରା ପାଇଁ ଏକତ୍ରର ଗଠନ ଓ ନାଟକରେ ବିଭିନ୍ନ ବିଭଗ ପାଇଁ ଅଲଗା ଅଲଗା କର୍ମଶାଳା କରିବାକୁ ମତ ରଖିଥିଲେ । ସାଧାରଣ ସମ୍ପାଦକ ଶ୍ରୀ ନାୟକ ବିଗତ ବର୍ଷର କାର୍ଯ୍ୟକ୍ରମ ସମ୍ପର୍କରେ ଓ ଉପସଭାପତି ଶ୍ରୀ ମହାନ୍ତି ଅନୁଷ୍ଠାନର ଆୟବ୍ୟୟ ସମ୍ପର୍କରେ ଆଲୋଚନା କରିଥିଲେ । ଏହି ଅବସରରେ ଅନୁଷ୍ଠାନର ସ୍ମରଣିକା ଏକତ୍ରକୁ ଉପଦେଷ୍ଟା ଡାକ୍ତର କୃପାସିନ୍ଧୁ ନାୟକ ଉନ୍ମୋଚନ କରିଥିଲେ । ଏହି ଅବସରରେ ୨୦୨୫ ଓ ୨୦୨୬ ନିମନ୍ତେ ଗଠିତ ନୂତନ କର୍ମକର୍ତ୍ତାଙ୍କୁ ଅନୁଷ୍ଠାନ ପକ୍ଷରୁ ପୁଷ୍ପଗୁଛ ଦିଆଯାଇ ସମ୍ମାନିତ କରାଯାଇଥିଲା । ଏଥିରେ ଉପଦେଷ୍ଟା ଭାବେ ଡ଼ଃ ସୁମନ ଦତ୍ତ, ଡା କୃପାସିନ୍ଧୁ ନାୟକ, କୈଳାଶ ପାଣିଗ୍ରାହୀ, ଡ ସମର ମୁଦାଲି, ଭାସ୍କର ଚନ୍ଦ୍ର ମହାପାତ୍ର ଓ ଶରତ ଦାସ, ସଭାପତି ଭାବେ ରାଜୀବ ପାଣି, ଉପସଭାପତି ଭାବେ ଆଲୋକ ବୋଷ, ରମେଶ ମହାନ୍ତି, ବିଲୋଚନ ପାତ୍ର, ସାଧାରଣ ସମ୍ପାଦକ ଭାବେ ବିଜୟ କୁମାର ପାତ୍ର, ସମ୍ପାଦକ ଭାବେ ସୁଦେଶ ନାୟକ ଓ ପ୍ରସନ୍ନ ମହାନ୍ତି, ସଂଗଠନ ସମ୍ପାଦକ ଭାବେ ଦିଲ୍ଲିପ ମହାନ୍ତି, ସାଂସ୍କୃତିକ ସମ୍ପାଦକ ଭାବେ ପ୍ରବୀର ଜେନା, କୋଷାଧ୍ୟକ୍ଷ ଭାବେ ପ୍ରଜ୍ଞାନନ୍ଦ ମହାନ୍ତି, ସମନ୍ୱୟ ସମ୍ପାଦକ ଭାବେ ଅକ୍ଷୟ କୁମାର ଧଳ, ଆଇନ ପରାମର୍ଶଦାତା ଭାବେ ପ୍ରଦୀପ ନାୟକ ଓ କାର୍ଯ୍ୟକାରୀ ସଦସ୍ୟ ଭାବେ ସର୍ବଶ୍ରୀ ରାଜକୁମାର ମହାନ୍ତି, କନକଲତା ଦାସ, ସରୋଜ କୁମାର ଶଙ୍ଖୁଆ, ଉମା ବିଶୋଇ, ପ୍ରଦୀପ କୁମାର ପଣ୍ଡା, ରମେଶ ପାତ୍ର, ନୀତା ଗୋସ୍ୱାମୀ, ପ୍ରଫୁଲ୍ଲ ସେଠୀ, ଡ ସତ୍ୟ ମିଶ୍ର, ପଞ୍ଚାନନ ପାତ୍ର, ଚିନ୍ମୟ ତ୍ରିପାଠୀ ପ୍ରମୁଖଙ୍କୁ ଦାୟିତ୍ଵ ଅର୍ପଣ କରାଯାଇଥିଲା । ସମସ୍ତ ସଦସ୍ୟଙ୍କୁ ପୁଷ୍ପ ଦିଆଯାଇ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମରେ ୨୫ଟି ନାଟ୍ୟ ଅନୁଷ୍ଠାନର ଶତାଧିକ କର୍ମକର୍ତ୍ତା ଉପସ୍ଥିତଥିଲେ । ଶେଷରେ ଅନ୍ୟତମ ଉପସଭାପତି ବିଲୋଚନ ପାତ୍ର ଧନ୍ୟବାଦ ଅର୍ପଣ କରିଥିଲେ ।