- ଅନୁସୂଚିତ ବର୍ଗର ସାମଗ୍ରିକ ବିକାଶ ପାଇଁ ଆମକୁ ଏକତାବଦ୍ଧ ହେବାକୁ ପଡିବ : ସମରେନ୍ଦ୍ର
ବଲାଙ୍ଗିର, (ଦେବାଶିଷ ମିଶ୍ର) : ଅନୁସୂଚିତ ବର୍ଗ ସମ୍ମିଳନୀରେ ଯୋଗ ଦେଲେ ସମରେନ୍ଦ୍ର । ଏହି ଅବସରରେ ସେ କହିଛନ୍ତି ଯେ, ଦେଶରେ ଏକ ସନ୍ତୁଳିତ ବିକାଶ କରିବା ପାଇଁ କଂଗ୍ରେସ ସବୁବେଳେ ଚେଷ୍ଟା କରିଛି । ସମ୍ବିଧାନ ତିଆରି ହେବା ଦିନରୁ ବାବା ସାହେବ ଆମ୍ବେଦକର ଏହି ଅନୁସୂଚିତ ବର୍ଗ ଲୋକଙ୍କୁ ପ୍ରତ୍ୟେକ କ୍ଷେତ୍ରରେ ଅଗ୍ରାଧିକାର ଦେଇ କିପରି ସେମାନେ ଅନ୍ୟ ବର୍ଗର ଲୋକଙ୍କ ସହ ସମକକ୍ଷ ହୋଇପାରିବେ ସେ ଦିଗରେ କାମ କରିଥିଲେ । କିନ୍ତୁ ବର୍ତ୍ତମାନର ଉଭୟ ରାଜ୍ୟ ଓ କେନ୍ଦ୍ର ସରକାର ଅନୁସୂଚିତ ବର୍ଗର ଲୋକଙ୍କ ସମସ୍ତ ପ୍ରକାର ସମ୍ବିଧାନ ପ୍ରଦତ୍ତ ଅଧିକାର ଗୁଡିକୁ ଉଚ୍ଛେଦ କରିବାରେ ଲାଗିଛି । ତେଣୁ ଏହି ଉଭୟ ସରକାରଙ୍କୁ ଆଗାମୀ ଦିନରେ ଆମେ ଏକତାବଦ୍ଧ ହୋଇ ଜବାବ ଦେଲେ ହିଁ ଆମର ସାମଗ୍ରିକ ବିକାଶ ହୋଇପାରିବ ବୋଲି ଆଜି ସ୍ଥାନୀୟ କଂଗ୍ରେସ ଭବନଠାରେ ଜିଲ୍ଲା କଂଗ୍ରେସ ଅନୁସୂଚିତ ବର୍ଗର ସମ୍ମିଳନୀରେ ଏଆଇସିସି ସଦସ୍ୟ ତଥା ପ୍ରଦେଶ କଂଗ୍ରେସ କମିଟିର ସାଧାରଣ ସଂପାଦକ ଯୁବ ନେତା ସମରେନ୍ଦ୍ର ମିଶ୍ର ନିଜ ଉଦ୍ବୋଧନରେ କହିଛନ୍ତି । ସଭାପତି ଓମ୍ ପ୍ରକାଶ କୁମ୍ଭାରଙ୍କ ସଭାପତିତ୍ୱରେ ଏକ ଦଳିତ ବର୍ଗର ସମ୍ବିଳନୀ ଅନୁଷ୍ଠିତ ହୋଇଯାଇଛି । ଉକ୍ତ ସମ୍ମିଳନୀରେ ସମରେନ୍ଦ୍ର ମିଶ୍ର ଏଆଇସିସି ସଭ୍ୟ ଯୋଗ ଦେଇଥିଲେ । ଦଳିତ ବର୍ଗରୁ ନେତୃତ୍ୱ ନେବା ପାଇଁ ତଥା ମୁଖ୍ୟ ସ୍ରୋତରେ ସାମିଲ ହେବା ପାଇଁ ସମସ୍ତଙ୍କୁ ଆହ୍ୱାନ ଦେଇଥିଲେ । ନିଜ ନିଜର ସମସ୍ତ ସମସ୍ୟାକୁ ଆଲୋଚନା କରି କିପରି ତାର ସମସ୍ତ ସମାଧାନ କରାଯାଇ ପାରିବ ସେଥି ପାଇଁ ବକ୍ତବ୍ୟ ପ୍ରକାଶ କରିଥିଲେ । ଉପସ୍ଥିତ ଥିବା ସମସ୍ତ ସଭ୍ୟ ସଭ୍ୟା ତାଙ୍କର ମତବ୍ୟକ୍ତ କରିଥିଲେ । ଉକ୍ତ ସମ୍ମିଳନୀରେ ଦଳିତ ବର୍ଗର ସୀତାରାମ କୁମ୍ଭାର, ସମୀର କୁମ୍ଭାର, ବ୍ରଜ ବିହାରୀ ନାଗ, ଫଣିନ୍ଦ୍ର କୁମ୍ଭାର, ରବି ଖମାରି, ଶ୍ରୀଧର ବାରିକ, ସୂର୍ଯ୍ୟକାନ୍ତି ଛତ୍ରିଆ, ସୁରେନ୍ଦ୍ର କୁମାର ଅଶ୍ୱପାଳ, ମନବୋଧ ହରପାଳ, ସତ୍ୟା, ଜ୍ୟୋତିଷ ମୁଗ୍ରୀ, ବଜରଙ୍ଗ ବନଛୋର, ସୁରେସ ନାଗ, କୁନା ବାଗ, ନେପାଳ ବାଗ, ବିରୋଧ ତାଣ୍ଡି ପ୍ରମୁଖ ଯୋଗ ଦେଇଥିଲେ ।