ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ପୁରୀ ଜିଲ୍ଲା ଡେଲାଙ୍ଗ ବ୍ଲକ ଅନ୍ତର୍ଗତ ବିଜେବି ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଗୁରୁଜୀ ଅକ୍ଷୟ କୁମାର ଗିଲଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ପୂର୍ବତନ ପ୍ରଧାନ ଶିକ୍ଷକ ସର୍ବେଶ୍ୱର ଭୁଜୁବଳଙ୍କ ଅଧ୍ୟକ୍ଷତାରେ ଆୟୋଜିତ ସମାବେଶରେ ମୁଖ୍ୟଅତିଥି ଭାବେ ଡେଲାଙ୍ଗ ମଣ୍ଡଳ ଶିକ୍ଷାଧିକାରୀ ଶତ୍ରୁଘ୍ନ ବେହେରା, ମୁଖ୍ୟ ବକ୍ତା ରୂପେ ଘୋରଡ଼ିଆ ନୋଡାଲ ହାଇସ୍କୁଲ ପ୍ରଧାନଶିକ୍ଷକ ଉମେଶ ଚନ୍ଦ୍ର ଦାଶ ସମ୍ମାନିତ ଅତିଥିରୂପେ ସମିତି ସଭ୍ୟା ଅନ୍ନପୂର୍ଣ୍ଣା ରଣଜିତ, ପ୍ରାଥମିକ ଶିକ୍ଷକ ସଂଘ ସଭାପତି ଦୟାନିଧି ମାର୍ଥା ଦିଗମ୍ବର ରଥ, ନରସିଂହ ହୋତା, ସୁରେନ୍ଦ୍ର ନାୟକ, ନିରଞ୍ଜନ ସାହୁ, ପରିଚାଳନା କମିଟି ସଭାପତି ମରିୟମ ବିବି, ଉପାଧ୍ୟକ୍ଷ ପ୍ରସନ୍ନ କୁମାର ସାହୁ ପ୍ରମୁଖ ଯୋଗଦେଇଥିଲେ । ମଣ୍ଡଳ ଶିକ୍ଷା କାର୍ଯ୍ୟାଳୟ ପକ୍ଷରୁ ଵିଇଓ ଶତ୍ରୁଘନ ବେହେରା, କର୍ମକର୍ତ୍ତା ନବ କିଶୋର ମିଶ୍ର, ମଧୁସୂଦନ ପ୍ରଧାନ, ସନ୍ତୋଷ ଦଳାଇ, ସତ୍ୟଜିତ ମହାପାତ୍ର ପ୍ରମୁଖ ଉପସ୍ଥିତ ରହି ଅବସର ଦିବରେ ଶିକ୍ଷକ ଗିଲଙ୍କୁ ପୂର୍ଣ୍ଣାଙ୍ଗ ପେନସନ ପ୍ରଦାନ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ଓ ଅବସର ଶିକ୍ଷକଙ୍କ ଉଦ୍ଦେଶ୍ୟରେ ବିଦାୟୀ ସଂଗୀତ ଗାନ କରାଯାଇଥିଲା । ଅତିଥିମାନଙ୍କ ଦ୍ୱାରା ଜଗନ୍ନାଥଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟାର୍ପଣ କରାଯାଇ ସାଧାରଣସଭା କାର୍ଯ୍ୟ ଆରମ୍ଭ କରାଯାଇଥିଲା । ଏହି ପରିପ୍ରେକ୍ଷିରେ ବିଦ୍ୟାଳୟରେ ଦିର୍ଘ ୩୮ବର୍ଷଧରୀ ଶିକ୍ଷାଦାନ କରିଥିବା ଶିକ୍ଷକ ଅକ୍ଷୟ କୁମାର ଗିଲଙ୍କ ଶିକ୍ଷାକ୍ଷେତ୍ରରେ ନିଷ୍ଠାପର ଉଦ୍ୟମ, ଆନ୍ତରିକତା, ଛାତ୍ରବତ୍ସଳତା, ସମୟାନୁବର୍ତ୍ତିତା ଓ ବିଦ୍ୟାଳୟ ପ୍ରତିଥିବା ଅବଦାନକୁ ସମ୍ମାନ ଜଣାଇ ଅବସରକାଳୀନ ଉତ୍ସବରେ ବିଦ୍ୟାଳୟ ପକ୍ଷରୁ ପ୍ରଧାନ ଶିକ୍ଷକ ସମସ୍ତ ଶିକ୍ଷକ ଶିକ୍ଷୟତ୍ରୀ, ଛାତ୍ରଛାତ୍ରୀ, ପ୍ରାକ୍ତନ ଛାତ୍ରଛାତ୍ରୀ ଓ ବିଭିନ୍ନ ବିଦ୍ୟାଳୟ ପକ୍ଷରୁ ମାନପତ୍ର, ଉତ୍ତରୀୟ, ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧନା କରାଯାଇଥିଲା । ସେହିପରି ପୁରାତନ ଛାତ୍ରୀ ତଥା ଗୁରୁଜୀଙ୍କ ସୁକନ୍ୟା ଦେବୀପ୍ରଭା ଗିଲ ଅବେଗପୂର୍ଣ୍ଣ କବିତା ମାଧ୍ୟମରେ ଅବସର ଶିକ୍ଷକଙ୍କ ସୁଗୁଣଗାନ କରିଥିଲେ । ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ପ୍ରମୁଖଙ୍କ ସହିତ ପରିଚାଳନା କମିଟି ସଦସ୍ୟ /ସଦସ୍ୟା, ଅଭିଭାବକ ଓ ଗ୍ରାମବାସୀମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଅପରାହ୍ନରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତି କାର୍ଯ୍ୟକ୍ରମ ପରିବେଷଣ କରାଯାଇଥିଲା । ସିଆରସିସି ତପନ କୁମାର ମଲ୍ଲିକ ଓ ଶିକ୍ଷକ ପଙ୍କଜ ବେହେରା ସଭା ସଂଯୋଜନା କରିଥିବା ବେଳେ ପ୍ରଧାନ ଶିକ୍ଷୟିତ୍ରୀ ସକିନା ବେଗମ ବାର୍ଷିକ ବିବରଣୀ ପାଠ କରିଥିଲେ । ଅବସର ଶିକ୍ଷକଙ୍କ ଘନିପୁରସ୍ଥିତ ସ୍ୱବାସଭବନ ପର୍ଟ୍ୟନ୍ତ ପଦଯାତ୍ରାରେ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ, କମିଟି ସଭ୍ୟସଭ୍ୟା ଓ ଛାତ୍ରଛାତ୍ରୀମାନେ ସାମିଲ ହୋଇ ପ୍ରିୟ ଗୁରୁଜୀଙ୍କୁ ଭାବ ବିଭୋଳ ବିଦାୟ ସମ୍ବର୍ଦ୍ଧନା ଦେଇଥିଲେ । ଅପରାହ୍ନରେ ପୁରସ୍କାର ବିତରଣ ଉତ୍ସବ ଅବସରରେ ଚଳିତ ଶିକ୍ଷାବର୍ଷର ବିଦ୍ୟାଳୟରେ ବିଭିନ୍ନ ପ୍ରତିଯୋଗିତା ଓ ଶୈକ୍ଷିକ ସଫଳତା ହାସଲ କରିଥିବା କୃତି ଛାତ୍ରଛାତ୍ରୀମାନଙ୍କୁ ବିଦ୍ୟାଳୟ ପକ୍ଷରୁ ପୁରସ୍କୃତ କରାଯାଇଥିଲା । ଶେଷରେ ଶିକ୍ଷକ ଅଭିମନ୍ୟୁ ସିଙ୍ଗ ଧନ୍ୟବାଦ ଅର୍ପଣ କରିଥିଲେ ।