ରାଉରକେଲା, (କେପିଏନ୍ଏସ୍) : ନାରୀ ସୁରକ୍ଷା ଓ ବରିଷ୍ଠ କଂଗ୍ରେସ ବିଧାୟକ ତାରାବାହିନୀ ପତିଙ୍କୁ ଗାଳି ଓ ମାଡ ମାରିବାକୁ ନେଇ ଆସନ୍ତା ୨୭ରିଖ ଦିନ ସାରା ଓଡିଶାର କଂଗ୍ରେସ କର୍ମୀ ବିଧାନସଭାକୁ ଘେରାଉ କରିବେ ବୋଲି ରାଉରକେଲା ଜିଲ୍ଲା ସଭାପତି ରବି ରାୟ ସାମ୍ବାଦିକମାନଙ୍କୁ ମନ୍ତବ୍ୟ ଦେଇଥିଲେ । ପିସିସିର ଅବଜର୍ଭର ରବି ନାରାୟଣ ପଣ୍ଡାଙ୍କ କହିବା ଅନୁଯାୟୀ ଓଡିଶାର ମୁଖ୍ୟମନ୍ତ୍ରୀ ୧ ତାରିଖରେ ବିଧାନସଭାରେ ମନ୍ତବ୍ୟ ଦେଇଛନ୍ତି ଓଡିଶାର ୨୦ ହଜାର ନାରୀ ନିଖୋଜ ଅଛନ୍ତି । ତା ମଧ୍ୟରୁ ୭ ହଜାର ନାରୀଙ୍କୁ ଉଦ୍ଧାର କରାଯାଇଛି । ବାକି ମହିଳାଙ୍କ ଖବର ନାହିଁ । ପୂର୍ବରୁ ଏହି ସରକାର କହୁଥିଲେ ନାରୀ ନିର୍ଯ୍ୟାତନା ବଢୁଛି କିନ୍ତୁ ବର୍ତ୍ତମାନ କ’ଣ ଚାଲିଛି ବୋଲି ସରକାରଙ୍କୁ ପିସିସି ଅବଜର୍ଭର ରାଜୁ ଷଡ଼ଙ୍ଗୀ ପ୍ରଶ୍ନ କରିଥିଲେ । ଏହି ସାମ୍ବାଦିକ ସମ୍ମିଳନୀରେ ଦେବବିହାରୀ, ରଶ୍ମି ପାଢ଼ୀ, ସବୀର ହୁସେନ, ସରୋଜ ଲେଙ୍କା, ଗଣେଶ ପ୍ରଧାନ, ଆଶିଷ ମହାନ୍ତି ଓ ଗୋପାଳ ଦାସ ପ୍ରମୁଖ ଉପସ୍ଥିତ ଥିଲେ ।