ମାକ୍ରୀପଡ଼ାର ଦୁର୍ଘଟଣାରେ ମୃତ ବ୍ୟକ୍ତିଙ୍କ ପରିବାରଙ୍କୁ ଭେଟି ସହାୟତା ଯୋଗାଇ ଦେଲା ସ୍ୱାମୀ ବିବେକାନନ୍ଦ ସେବା ଟ୍ରଷ୍ଟ

ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଲେବଡା ପଞ୍ଚାୟତ ମାକ୍ରିପଡା ଗ୍ରାମର ବୈଶାଖୁ ଭୋଇଙ୍କ ଗତ ୪ଦିନ ତଳେ ଭାଟିପଡ଼ା ନିକଟରେ ଏକ ଦୁର୍ଘଟଣାରେ ଅକାଳ ବିୟୋଗ ଘଟିଥିଲା । ଫଳରେ ତାଙ୍କର ଦୁଇଟି ଝିଅ ଓ ସ୍ତ୍ରୀ ବେସାହାରା ହୋଇଯାଇଥିଲେ । ଏହା ଜାଣିପାରି ଗ୍ରାମର ନବଗଠିତ ସ୍ଵାମୀ ବିବେକାନନ୍ଦ ସେବା ଟ୍ରଷ୍ଟର ସଭାପତି ସଦାନନ୍ଦ ବନଛୋରଙ୍କ ନେତୃତ୍ୱରେ ସମସ୍ତ ସଦସ୍ୟମାନେ ପହଞ୍ଚି ସ୍ୱର୍ଗତ ବୈଶାଖୁ ଭୋଇଙ୍କ ପତ୍ନୀ ଲବଣୀ ଭୋଇଙ୍କୁ ଆଶ୍ଵାସନା ଦେଇ କିଛି ଆର୍ଥିକ ସାହାଯ୍ୟ ମଧ୍ୟ କରିଥିଲେ । ଟ୍ରଷ୍ଟର ସଂପାଦକ ପାରେଶ୍ଵର ଛତର ପରିବାରଙ୍କୁ ସମସ୍ତ ପ୍ରକାରର ସରକାରୀ ସୁବିଧା ଯୋଗାଇ ଦେବା ପାଇଁ କଥା ଦେଇଛନ୍ତି । ଏହି ଅବସରରେ ଟ୍ରଷ୍ଟର ଉପସଭାପତି ଭଦେବ ଭୋଇ, କୋଷାଧ୍ୟକ୍ଷ ତୁଲରାମ ଛତର, ଉପଦେଷ୍ଟା ଶନ୍ତ ଛତର, ଶିମାନ ଗୋଡ, କୈଳାଶ ଚନ୍ଦ୍ର ରଣା, ପୀତାମ୍ବର ବଗର୍ତ୍ତୀ, ଭୁଲେଶ୍ୱର ଛତର, ଯଦୁମଣି ଛତର, ଦେବେନ୍ଦ୍ର ଛତର, ମଙ୍ଗଲେ ଛତର, ହଁସୁରାଜ୍ ଭୋଇ, ଲିଲାଞ୍ଚ ଭୋଇଙ୍କ ସହ ସମାଜସେବୀ ମୀନିକେତନ ବଗର୍ତ୍ତି ମଧ୍ୟ ଉପସ୍ଥିତ ରହି ଶୋକାକୁଳ ପରିବାରକୁ ସମବେଦନା ଜଣାଇଥିଲେ ।