ବଲାଙ୍ଗିର, (କେପିଏନ୍ଏସ୍) : ରାଣୀସର୍ଡା ପଞ୍ଚାୟତ ଅନ୍ତର୍ଗତ ଅର୍ଡା ଗାଁର ମୂଳ ନିବାସୀ ବୃନ୍ଦାବନ ରଣା ଓ ବବିତା ରଣାଙ୍କ ପୁଅ ପ୍ରେମରଂଜନ ରଣା ଓଡିଶା ପ୍ରଶାସନିକ ସେବା ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ୨୦୨୧ ମସିହାର ଓସିଏସ୍ ପରୀକ୍ଷାର ରେଜଲ୍ଟ ଏବେ କିଛିଦିନ ତଳେ ପ୍ରକାଶିତ ହୋଇଥିଲା । ଏଥିରେ ୨୨୮ ର୍ୟାଙ୍କରେ ପ୍ରେମରଂଜନ ରହି ଅଞ୍ଚଳ ପାଇଁ ଗୌରବ ଆଣିଦେଇଛନ୍ତି । ଶ୍ରୀ ରଣା ତାଙ୍କ ବାପାମାଆଙ୍କ ସହିତ ବଲାଙ୍ଗିର କୋଶଳନଗରରେ ରହୁଛନ୍ତି । ସେ ବଲାଙ୍ଗିର କେନ୍ଦ୍ରୀୟ ବିଦ୍ୟାଳୟ-୨ରେ ପ୍ରଥମରୁ ଦ୍ୱାଦଶ ପର୍ଯ୍ୟନ୍ତ ପାଠପଢିଲା ପରେ ଭୁବନେଶ୍ୱର ଓୟୁଏଟିରେ ପଢୁଥିଲେ । ଏହା ସମାପ୍ତ ହେଲା ପରେ ସିଭିଲ ସର୍ଭିସ ପରୀକ୍ଷା ପାଇଁ ଉଦ୍ୟମ କରୁଥିଲେ । ଶେଷରେ ସେ ସଫଳ ହୋଇଛନ୍ତି । ଓଡିଶା ପ୍ରଶାସନିକ ସେବାରେ ଯୋଗଦେଇ ସାଧାରଣଲୋକଙ୍କ ସେବା କରିବି ବୋଲି ପ୍ରେମରଂଜନ କହିଛନ୍ତି । ତାଙ୍କର ଏହି ସଫଳତା ପାଇଁ ତାଙ୍କୁ ବିଭିନ୍ନ ମହଲରୁ ଅଭିନନ୍ଦନ ଜଣାଯାଇଛି ।