ଭବାନୀପାଟଣା, (ସଞ୍ଜୀବ କୁମାର ପାତ୍ର) : ସ୍ଥାନୀୟ ତାରିଣୀ ମନ୍ଦିର ସ୍ଥିତ ସ୍ୱାମୀ ବିବେକାନନ୍ଦ ପବ୍ଲିକ ସ୍କୁଲ ଠାରେ ସଡ଼କ ସୁରକ୍ଷା ଜୀବନ ରକ୍ଷା କର୍ମଶାଳା ଅନୁଷ୍ଠିତ ହୋଇଯାଇଛି । ପ୍ରତିଦିନ ନିଜ ନିଜର ଅସାବଧାନତା ଯୋଗୁଁ ହଜାର ହଜାର ଅମୂଲ୍ୟ ଜୀବନ ଯାଉଛି । ଦୁଇ ଚକିଆ ଚଳେଇଲା ବେଳେ ହେଲମେଟ ଓ ଚାରି ଚକିଆ ଚଳେଇବା ବେଳେ ସିଟ୍ବେଲ୍ଟ ଅପରିହାର୍ଯ୍ୟ । ସମସ୍ତେ ସରକାରଙ୍କ ନୀତି ନିୟମ ମାନି ଯାନବାହାନ ଚଲେଇବା ଜରୁରୀ ବୋଲି ସ୍କୁଲର ପ୍ରତିଷ୍ଠାତା ଓ ଅଧ୍ୟକ୍ଷ ଡ଼. ଶିବରାମ ନାୟକ ଛାତ୍ରଛାତ୍ରୀ ମାନଙ୍କୁ ଉଦ୍ବୋଧନ ଦେଇଥିଲେ । ସ୍କୁଲର ସମସ୍ତ ଛାତ୍ରଛାତ୍ରୀ ଉପସ୍ଥିତ ରହି ନିଜ ନିଜ ମତ ରଖିଥିବା ବେଳେ ଶିକ୍ଷୟିତ୍ରୀ ଚନ୍ଦ୍ରପ୍ରଭା ମିଶ୍ର, ସାଧନା ପ୍ରଧାନ, ସରିତା ବାଗେଲେ, କଲ୍ୟାଣୀ ବାଗ, ଶୁଭଶ୍ରୀ ସାହୁ ଓ ବୃଷବ ଦାସ କାର୍ଯ୍ୟକ୍ରମରେ ସହଯୋଗ କରିଥିଲେ ଓ ଶିକ୍ଷକ ସମ୍ପଦ ମୁଣ୍ଡ ଧନ୍ୟବାଦ ଦେଇଥିଲେ ।