ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଶୁକ୍ରବାର ଦିବା ୧୦ଘଣ୍ଟା ୩୦ ମିନଟ୍ ସମୟରେ ଜାତୀୟ ରାଜପଥସ୍ଥ ବାଟ-ଛତ୍ରପୁର ଛକ ନିକଟରେ ଏକ ସଡ଼କ ଦୁର୍ଘଟଣା ଘଟିଥିବା ଖବର ମିଳିଛି । ହୋମଗାର୍ଡ ମନୋଜ କୁମାର ବେହେରାଙ୍କ ବାଇକ ଓ ଜଣେ ସ୍କୁଟି ଚାଳକଙ୍କ ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ଦୁଇଜଣ ଗୁରୁତର ଆହତ ହୋଇଥିବା ଜଣାପଡିଛି । ସ୍କୁଟି ଚାଳକଙ୍କ ମୁଣ୍ଡରେ ଆଘାତ ଲାଗିଥିବା ବେଳେ ବାଇକ ଚାଳକ ମନୋଜଙ୍କ ଗୋଡ଼ରେ ଖୁବ ଆଘାତ ହୋଇଥିଲା । ସ୍କୁଟି ଚାଳକଙ୍କୁ ସଂଗେ ସଂଗେ ଆମ୍ବୁଲାନ୍ସରେ ବ୍ରହ୍ମପୁର ନିଆଯାଇଥିବା ବେଳେ ବାଟ-ଛତ୍ରପୁର ଅଞ୍ଚଳର ବାସିନ୍ଦା ହୋଇଥିବା ହୋମଗାର୍ଡ ମନୋଜଙ୍କୁ ବାଟ-ଛତ୍ରପୁରର କିଛି ଯୁବଗୋଷ୍ଠୀ ନେଇ ସମାଜସେବୀ ଭାଗିରଥୀ ବେହେରାଙ୍କ ସହଯୋଗରେ ଛତ୍ରପୁର ହସ୍ପିଟାଲରେ ପ୍ରାଥମିକ ଚିକିତ୍ସା କରାଯାଇ ତାଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ନିଆଯାଇଥିଲା । ଗୁରୁତର ହୋମଗାର୍ଡ ମନୋଜ କୁମାର ବେହେରାଙ୍କ ସ୍ୱାସ୍ଥ୍ୟାବସ୍ଥା ଏବେ ଭଲ ଅଛି ବୋଲି କୁହାଯାଉଛି । ତାଙ୍କର ଚିକିତ୍ସା-ସୁବିଧା ସରକାରୀ ସ୍ତରରେ ଆର୍ଥିକ ସାହାଯ୍ୟ ପାଇଁ ଦାବୀ ହେଉଅଛି । ମନୋଜ ଏବେ ଏକ ପ୍ରାଇଭେଟ କ୍ଲିନିକରେ ଚିକିତ୍ସାଧୀନରେ ଅଛନ୍ତି ବୋଲି କୁହାଯାଉଛି। ତାଙ୍କର ଗୋଡ଼ରେ ଏକ ରଡ଼ ଦିଆଯାଇଛି ବୋଲି ସୂଚନା ମିଳିଛି । ତାଙ୍କୁ ସରକାରୀ ସାହାଯ୍ୟ ମିଳିଲେ ସେ ଉପକୃତ ହେବେ ବୋଲି ପରିବାର ତରଫରୁ କୁହାଯାଉଛି ।