ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ୟୁକୋ ବ୍ୟାଙ୍କ ସମ୍ମୁଖରେ ଆଜି ୧୨ଟା ୩୦ ମିନିଟ୍ ସମୟରେ ଶତାବ୍ଦୀ ବସ୍ (ଓଡି୧୭କ୍ୟୁ ୨୭୧୧) ଏକ ମହିଳାଙ୍କୁ ଧକ୍କା ଦେଇ ଘଟଣାସ୍ଥାନରୁ ଡ୍ରାଇଭର ଓ ହେଲ୍ପର ଫେରାର ହୋଇ ଯାଇଥିବା ଜଣାପଡ଼ିଛି । ଘଟଣାସ୍ଥଳରେ ବସ ତଳେ ଯୁବତୀ କଳ୍ପନା ପଟେଲ (୨୬)ରକ୍ତ ଜୁଡୁବୁଡୁ ଅବସ୍ଥାରେ ପଡି ଚିତ୍କାର କରୁଥିବା ବେଳେ ବରିଷ୍ଠ ସାମ୍ବାଦିକ ବଡ ଶତପଥୀ, ମୁଜାଫର ହୁସେନ ଓ ମୁଜାମ୍ମିଳ ହୁସେନ କଳ୍ପନାକୁ ଉଦ୍ଧାର କରି ଆମ୍ବୁଲାନ୍ସକୁ ଡାକିଥିଲେ ଓ ଥାନାରେ ଖବର ଦେଇଥିଲେ । ସୂଚନା ଅନୁସାରେ କଳ୍ପନାଙ୍କ ବାମ ଗୋଡ ଆଣ୍ଠୁ ତଳକୁ ଛିଣ୍ଡି ଯାଇଥିବା ଜଣାପଡିଛି । ଥାନା ଆଇଆଇସି ବିଶ୍ୱଜିତ ମନବୋଧ ଘଟଣାସ୍ଥଳକୁ ଆସିବା ପରେ ଆମ୍ବୁଲାନ୍ସ ପହଂଚିଥିଲା । ସେଥିରେ କଳ୍ପନାକୁ ପାଇକମାଲ ଚିକିତ୍ସାଳୟକୁ ନିଆଯାଇଥିବା ବେଳେ ଡାକ୍ତର ଶ୍ରୀଧର ପ୍ରଧାନଙ୍କୁ ଶ୍ରୀ ଶତପଥୀ ଡାକିଆଣି ଆସୁ ଚିକିତ୍ସା କରାଇଥିବା ପରେ ବରିଷ୍ଠ ସାମ୍ବାଦିକ ବଡ ଶତପଥୀ ଓ ଯୁବ ସାମ୍ବାଦିକ ଲୁଲୁ ସାହୁ କଳ୍ପନାର ମାଆଙ୍କୁ କିଛି ଶୁଖିଲା ଖାଦ୍ୟ ଓ କିଛି ଆର୍ଥିକ ସାହାଯ୍ୟ କରିଥିଲେ ।
