ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିର୍ବାଚନ ମଣ୍ଡଳୀର ଜଗଦଲପୁର ବିଜେପିର ମଣ୍ଡଳ ସଭାପତି ଭାବେ କ୍ଷୀରସାଗର ସାହୁ ମନୋନୀତ ହୋଇଛନ୍ତି । ଭାରତୀୟ ଜନତା ପାର୍ଟିର ସାଂଗଠନିକ ନିର୍ବାଚନ ଭିତ୍ତିରେ ଓଡ଼ିଶାର ପ୍ରତ୍ୟେକ ମଣ୍ଡଳର ସଭାପତି ଚୟନ ପ୍ରକ୍ରିୟା ଜାରି ରହିଛି । ଏହି କ୍ରମରେ ଯୁବନେତା କ୍ଷୀରସାଗର ସାହୁଙ୍କ ସାଂଗଠନିକ ଦାୟିତ୍ୱ ଦକ୍ଷତାକୁ ଆଧାର କରି ଜଗଦଲପୁର ମଣ୍ତଳ ସଭାପତି ଭାବରେ ତାଙ୍କୁ ମନୋନୀତ କରିଛନ୍ତି । ପୂର୍ବରୁ କ୍ଷୀରସାଗର ସାହୁ ୨୦୧୭ରୁ ୨୦୨୨ ପର୍ଯ୍ୟନ୍ତ କୁମୀର ଗ୍ରାମ ପଞ୍ଚାୟତର ସରପଞ୍ଚ ଦାୟିତ୍ୱ ତୁଳାଇଥିବା ସ୍ଥଳେ ବର୍ତ୍ତମାନ ସେ ସମିତି ସଭ୍ୟ ଭାବରେ କୁମୀର ପଞ୍ଚାୟତର ଦାୟିତ୍ୱ ତୁଳାଉଛନ୍ତି । ଲୋକ ମାନଙ୍କର ଭାବାବେଗ ବୁଝି ପାରୁଥିବାରୁ ଅଞ୍ଚଳର ସମସ୍ୟାକୁ ଉପସ୍ଥାପନ କରି ଅଞ୍ଚଳର ସେ ବେଶ ସୁନାମ ଅର୍ଜନ କରିଛନ୍ତି । ନବ ନିର୍ବାଚିତ ଜଗଦଲପୁର ମଣ୍ତଳ ସଭାପତି କ୍ଷୀରସାଗର ସାହୁ ହେବାପରେ ବରଗଡ ସାଂସଦ ପ୍ରଦୀପ ପୁରୋହିତ ଓ ବରିଷ୍ଠ ବିଜେପି ନେତା ଗୋବର୍ଦ୍ଧନ ଭୁଏଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି । ଏହି ଖବର ପ୍ରଚାରିତ ହେବା ପରେ ପଦ୍ମପୁର ନିର୍ବାଚନ ମଣ୍ଡଳୀ ଜଗଦଲପୁର ମଣ୍ଡଳର ବିଜେପି ମହଲରେ ଉତ୍ସାହ ଦେଖିବାକୁ ମିଳିଛି ।