ମ.ରାମପୁର, (ହେମନ୍ତ ସାହୁ) : ମ.ରାମପୁର ଥାନା ଅନ୍ତର୍ଗତ ବାରବନ୍ଧା ଗ୍ରାମ ପଂଚାୟତର ଗୁମୁ (ଚୋଚୋବାହାଲି) ଗାଁ ନିକଟରେ ଥିବା ଅଏଁଲା ଡ଼ୁଙ୍ଗୁରୀ ଜଙ୍ଗଲରୁ ଗଳିତ ଶବ ଉଦ୍ଧାର କରାଯାଇଥିବା ଖବର ମିଳିଛି । ତେବେ ଶବଟି ପ୍ରାୟ ଦୁଇ ତିନି ଦିନ ତଳର ହୋଇଥିବା ବେଳେ ମୃତ ବ୍ୟକ୍ତିଙ୍କ ପରିଚୟ ମିଳିପାରିନାହିଁ । ଜଙ୍ଗଲରେ ଏକ ଗଛ ତଳେ ଶୋଇଥବା ଅବସ୍ଥାରେ ଶବ ରହିଥିବା ବେଳେ ଆନୁମାନିକ ବୟସ ପ୍ରାୟ ପଚାଶ ହେବ ବୋଲି ଜଣାପଡ଼ିଛି । ମ.ରାମପୁର ପୁଲିସ ଘଟଣାସ୍ଥଳରେ ପହଂଚି ଶବ ଜବତ କରି ଶବ ବ୍ୟବଚ୍ଛେଦ ପାଇଁ ମ.ରାମପୁର ଡ଼ାକ୍ତରଖାନାକୁ ଆଣିଥିବା ଜଣାପଡିଛି । ଏକ ମାମଲା ରୁଜୁ କରି ପୁଲିସ ପ୍ରାଥମିକ ତଦନ୍ତ ଜାରି ରଖିଥିବା ସୂଚନା ମିଳିଛି ।