ଡେଲାଙ୍ଗ, (ଦିଲ୍ଲୀପ କୁମାର ଧାଉଡ଼ିଆ) : ପୁରୀ ଜିଲ୍ଲା ଡେଲାଙ୍ଗ ମଣ୍ଡଳ ଶିକ୍ଷାଧିକାରୀଙ୍କ ଅବସରକାଳୀନ ସମ୍ବର୍ଦ୍ଧନା ଉତ୍ସବ କବି ପ୍ରସନ୍ନ ପାଟଶାଣୀ ଉଚ୍ଚ ବିଦ୍ୟାଳୟ ପରିସରରେ ଭାବ ବିହ୍ଵଳ ପରିବେଷରେ ଅନୁଷ୍ଠିତ ହୋଇଯାଇଛି । ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ମଣ୍ଡଳ ପକ୍ଷରୁ ଆୟୋଜିତ ଏହି ସେବା ନିବୃତ ସମ୍ବର୍ଦ୍ଧନା ସଭାରେ ପ୍ରଧାନ ଶିକ୍ଷକ ହୃଷିକେଶ ବଳିୟାରସିଂହ ସଭାପତିତ୍ୱ କରିଥିବା ବେଳେ ସିଆରସିସି ଦୟାନିଧି ମାର୍ଥା ଅତିଥି ପରିଚୟ ଏବଂ ସ୍ୱାଗତ ଭାଷଣ ଦେଇଥିଲେ । ଅତିରିକ୍ତ ଜିଲ୍ଲା ଶିକ୍ଷାଧିକାରୀ ହିମାଂଶୁ ଭୂଷଣ ସମର୍ଥ, ମୁଖ୍ୟବକ୍ତା ଭାବେ ସନ୍ତୋଷ କୁମାର ପରିଡା ଅଧକ୍ଷ ଜିଲ୍ଲା ଶିକ୍ଷା ଓ ପ୍ରଶିକ୍ଷକ, ପୁରୀ, ସମ୍ମାନିତ ଅତିଥିଭାବେ ପ୍ରାକ୍ତନ ମଣ୍ଡଳ ଶିକ୍ଷାଧିକାରୀ ସଚ୍ଚିଦାନନ୍ଦ ପ୍ରଧାନ, ଶିକ୍ଷାବିତ ସତ୍ୟବାଦୀ ଦାଶ, ଅଶୋକ କୁମାର ପ୍ରଧାନ ଏବଂ ରାଜ୍ୟ ଶିଶୁ ଅଧିକାର ଓ ସୁରକ୍ଷା ଆୟୋଗର ପ୍ରାକ୍ତନ ଅଧକ୍ଷା ସୁଶ୍ରୀ ସନ୍ଧ୍ୟାବତୀ ପ୍ରଧାନ ପ୍ରମୁଖ ଯୋଗଦେଇ ବିଦାୟକାଳୀନ ମଣ୍ଡଳ ଶିକ୍ଷାଧିକାରୀଙ୍କ କାର୍ଯ୍ୟ ଦକ୍ଷତା ଉପରେ ଗୁଣଗାନ କରିଥିଲେ । ଅନ୍ୟମାନଙ୍କ ମଧ୍ୟରେ ସିଆରସିସି ଦୁଧନ ପ୍ରଧାନ, କୃତିବାସ ପରିଡା, ମନୋରଞ୍ଜନ ମହାରଣା, ବସନ୍ତ କୁମାର ସେଠି, ପ୍ରଫୁଲ୍ଲ ଦାସ, କୈଳାଶ ଚନ୍ଦ୍ର ସ୍ୱାଇଁ, ଜଗନ୍ନାଥ ପରିଡା, ପ୍ରଦୀପ ବଳିୟାରସିଂହ ସମେତ ଶିକ୍ଷକ ପ୍ରବୀର ମହାପାତ୍ର, ସୂର୍ଯ୍ୟ ନାରାୟଣ ଜେନା, ମିହିର କୁମାର ପରିଡା, ନଟବର ସେଠି, ରମେଶ ଜେନା, ଅଭୟ ଚରଣ ସାହୁ, ଦେବାଶିଷ ପ୍ରଧାନ, ଗଦାଧର ପ୍ରଧାନ, ଦାଶରଥି ନାୟକ, ଲିଙ୍ଗରାଜ ବସନ୍ତରା, ଦିଲ୍ଲୀପ ବେହେରା ,ଶିକ୍ଷୟିତ୍ରୀ ବୈଜୟନ୍ତ ମାଳା ହରିଚନ୍ଦନ, ବିଜୟଲଷ୍ମୀ ସାମନ୍ତରାୟ, ବିଳାସିନୀ ଆଚାର୍ଯ୍ୟ, ସକିନା ବେଗମ, ସୁଲୋଚନା କୁଣ୍ଡ, ଜ୍ୟୋତ୍ସ୍ନାରାଣୀ ରାୟ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ଶେଷରେ ସିଆରସିସି ତପନ କୁମାର ମଲ୍ଲିକ ଧନ୍ୟବାଦ ଅର୍ପଣ କରିଥିଲେ । ବିଭିନ୍ନ ବିଦ୍ୟାଳୟ ଶିକ୍ଷକ, ଶିକ୍ଷୟିତ୍ରୀ ଏବଂ ସିଆରସିସିଙ୍କ ପକ୍ଷରୁ ବିଇଓ ବିନୋଦ ପ୍ରମାଣିକଙ୍କୁ ଅବସରକାଳୀନ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା ।