ଡେଲାଙ୍ଗ, (ଦିଲ୍ଲୀପ କୁମାର ଧାଉଡ଼ିଆ) : ଡେଲାଙ୍ଗରେ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ପକ୍ଷରୁ ଦେଶର ୭୬ ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ଏହି ଅବସରରେ ଡେଲାଙ୍ଗ ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ପଞ୍ଚାୟତ ସମିତି ଅଧ୍ୟକ୍ଷା ବାସନ୍ତୀ ସାହୁ ଜାତୀୟ ପତାକା ଉତ୍ତୋଳନ କରିଥିଲେ । ଏଥିରେ ଉପାଧ୍ୟକ୍ଷ ଦୁର୍ବାସା ନିଶଙ୍କ, ସାମାଜିକ ସୁରକ୍ଷା ଅଧିକାରୀ ତପନ ଚନ୍ଦ୍ର ଦାସ, ସାମ୍ବାଦିକ ପ୍ରସନ୍ନ ତ୍ରୀପାଠୀ, ସୁଶାନ୍ତ ଦାସଙ୍କ ସମେତ ଜଗଦଳପୁର ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀମାନେ ଉପସ୍ଥିତ ଥିଲେ । ସେହିପରି ଡେଲାଙ୍ଗ କଂଗ୍ରେସ କାର୍ଯ୍ୟାଳୟରେ କଂଗ୍ରେସ ମୁଖପାତ୍ର ନିଶିକାନ୍ତ ମିଶ୍ର ଜାତୀୟ ପତାକା ଉତ୍ତୋଳନ କରିଥିଲେ । ଏଥିରେ କର୍ମୀ ପ୍ରହଲ୍ଲାଦ ପ୍ରଧାନ, ଜୟମନ୍ୟୁ ପରିଡ଼ା, ମାନସ ସ୍ୱାଇଁ, ପ୍ରକାଶ ନାୟକ ପ୍ରମୁଖ ଉପସ୍ଥିତ ଥିଲେ । ସେହିପରି ଡେଲାଙ୍ଗ ଜଳ ସମ୍ପଦ ବିଭାଗ କାର୍ଯ୍ୟାଳୟ ପରିସରରେ ସହକାରୀ ନିର୍ବାହୀ ଯନ୍ତ୍ରୀ ତନୁଜ ରାଉତ ଜାତୀୟ ପତାକା ଉତ୍ତୋଳନ କରିଥିଲେ । ଡେଲାଙ୍ଗ ଥାନା ପରିସରରେ ଏସଆଇ କେଳୁଚରଣ ଜେନା ଜାତୀୟ ପତାକା ଉତ୍ତୋଳନ କରିଥିଲେ । ଏଥିରେ ଏଏସଆଇ ବିନୋଦିନୀ ବେହେରା, ରବିନ୍ଦ୍ର ବେହେରାଙ୍କ ସମେତ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ । ସେହିପରି ଡେଲାଙ୍ଗ ଆତ୍ମା କାର୍ଯ୍ୟାଳୟ ପରିସରରେ ଗ୍ରାମ୍ୟ କୃଷି କର୍ମଚାରୀ ବନ୍ଦିତା ଦାସ, ଜୟଦେବ ରଥଙ୍କ ସମେତ କୃଷକ ସାଥୀମାନେ ଜାତୀୟ ପତାକା ଉତ୍ତୋଳନ କରିଥିଲେ । ଘୋରଡ଼ିଆ ହାଟ ବଜାର ପକ୍ଷରୁ ଜାତୀୟ ପତକା ଉତ୍ତୋଳନ ହୋଇଥିଲା । ଡେଲାଙ୍ଗ ତହସିଲ କାର୍ଯ୍ୟାଳୟ, ଗ୍ରାମ୍ୟ ଜଳ ଯୋଗାଣ ଓ ପରିମଳ ଉପଖଣ୍ଡ, ସାଉରିଆ, ଘନିପୁର, ରେଞ୍ଚ, ବେରବୋଇ ପଞ୍ଚାୟତ କାର୍ଯ୍ୟାଳୟ ପରିସରରେ ଜାତୀୟ ପତାକା ଉତ୍ତୋଳନ କରାଯାଇଥିବା ବେଳେ ଘୋରଡ଼ିଆ ନୋଡାଲ ହାଇ ସ୍କୁଲ, ରାଧାମୋହନ ଦେବ ଉଚ୍ଚ ବିଦ୍ୟାପୀଠ, ସରକାରୀ ଉଚ୍ଚ ବିଦ୍ୟାଳୟ ବେରବୋଇ, ମହତାବ ଉଚ୍ଚ ବିଦ୍ୟାଳୟ, ରାଧାକାନ୍ତ ବିଦ୍ୟାପୀଠ, ଡେଲାଙ୍ଗ ସରକାରୀ ବାଳିକା ଉଚ୍ଚ ବିଦ୍ୟାଳୟ, ଡେଲାଙ୍ଗ ସରସ୍ଵତୀ ଶିଶୁ ବିଦ୍ୟାମନ୍ଦିର, ବିବେକାନନ୍ଦ ଶିକ୍ଷା କେନ୍ଦ୍ର ରେଞ୍ଚ ଆଦି ଶିକ୍ଷାନୁଷ୍ଠାନ ଗୁଡ଼ିକରେ ସାଧାରଣତନ୍ତ୍ର ଦିବସ ପାଳନ ଉପଲକ୍ଷେ ପ୍ରଭାତଫେରୀ କରି ଗ୍ରାମ୍ୟ ପରିକ୍ରମା କରିବା ସହ ଜାତୀୟ ପତାକା ଉତ୍ତୋଳନ କରାଯାଇଥିଲା । ସେହିପରି ବେରବୋଇ ସ୍ଥିତ ପବିତ୍ର ଗାନ୍ଧୀ ସ୍ମୃତିପୀଠ ପରିସରରେ ଗାନ୍ଧୀ ସ୍ମାରକୀ ସମିତି ଓ କସ୍ତୁରବା ଟ୍ରଷ୍ଟର ମିଳିତ ଆନୁକୂଲ୍ୟରେ ଗଣତନ୍ତ୍ର ଦିବସରେ ପତାକା ଉତ୍ତୋଳନ କରଯାଇଛି । ସ୍ମାରକୀ ସମିତିର ସଭାପତି କୁନ୍ତଳା କୁମାରୀ ବିଶ୍ୱାଳ ଜାତୀୟ ପତାକା ଉତ୍ତୋଳନ କରିଥିବା ବେଳେ ସମିତି ପକ୍ଷରୁ ଗାନ୍ଧୀଜୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ସହିତ ରାମଧୁନ୍ ପରିବେଷଣ କରାଯାଇଥିଲା । ସ୍ମାରକୀ ସମିତିର ସମ୍ପାଦକଙ୍କ ନେତୃତ୍ଵରେ କାର୍ଯ୍ୟକ୍ରମ ସଂଯୋଜନା କରଯାଇଥିବା ବେଳେ ସମାଜସେବୀ ଅନାମ ମଲ୍ଲିକ, ସର୍ବେଶ୍ଵର ବରେଇ, ଭାଗିରଥୀ ପରିଡା, ଅମରେନ୍ଦ୍ର ବାରିକ, ଦ୍ଵିତିକୃଷ୍ଣ ରାଉତରାୟ, ସନ୍ତୋଷ ବିଶ୍ୱାଳ, କବିତା ରାଣୀ ପରିଡା ପ୍ରମୁଖ ଉପସ୍ଥିତ ଥିଲେ । ଆନନ୍ଦ ସେବା ସଦନ କୁଞ୍ଜର ପକ୍ଷରୁ ସମ୍ପାଦକ ମହେଶ୍ୱର ବେହେରା ସାଧାରଣତନ୍ତ୍ର ଦିବସ ପାଳନ ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସ୍ୱରୂପ ଶିଶୁ ମହୋତ୍ସବ ଅନୁଷ୍ଠିତ ହୋଇଥିଲା ।