ସୁବଲୟା, (କେପିଏନ୍ଏସ୍) : ସ୍ଥାନୀୟ ସୁବଲୟା ଉଚ୍ଚ ବିଦ୍ୟାଳୟ ଜୁନିଅର ରେଡକ୍ରସ ତରଫରୁ ବିଶ୍ୱ ରେଡକ୍ରସ ଦିବସ ପାଳିତ ହୋଇଯାଇଛି । ରେଡକ୍ରସ ପ୍ରତିଷ୍ଠାତା ସାର ଜାଁ ହେନେରୀ ଡୁନାଂଟଙ୍କ ତୈଳଚିତ୍ର ପ୍ରତି ମାଲ୍ୟାର୍ପଣ ସହ ଦୀପ ପ୍ରଜ୍ଜଳନ କରି କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା । ଲକଡାଉନକୁ ଦୃଷ୍ଟିରେ ରଖି ପ୍ରଧାନ ଶିକ୍ଷୟତ୍ରୀ ସ୍ୱର୍ଣ୍ଣଲତା ବେହେରାଙ୍କ ତତ୍ୱାବଧାନରେ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମକୁ ସାଧନକର୍ମି ଚନ୍ଦ୍ରମଣି ବାଘ ପରିଚାଳନା କରିଥିଲେ । ବରିଷ୍ଠ ଶିକ୍ଷକ ସୁରେନ୍ଦ୍ର ପ୍ରସାଦ ପାଢୀ ମୁଖ୍ୟ ଅତିିଥିଭାବରେ ଯୋଗଦେଇଥିଲେ । ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତଙ୍କ ତତ୍ୱାବଧାନରେ ପ୍ରସ୍ତୁତ ହୋଇଥିବା ବିଦ୍ୟାଳୟର ଶିକ୍ଷାବର୍ଷ-୨୦୧୯-୨୦ରେ ଜୁନିଅର ରେଡକ୍ରସ ତରଫରୁ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମ ସମସ୍ତର ଫଟୋଚିତ୍ର ସମୂହର ଏକ ଫଟୋ ପ୍ରଦର୍ଶନୀକୁ ମୁଖ୍ୟଅତିଥି ଶ୍ରୀପାଢୀ ଉନ୍ମୋଚନ କରିଥିଲେ । ବିଦ୍ୟାଳୟ କାର୍ଯ୍ୟ ଚାଲୁ ହେବା ପରେ ଛାତ୍ରଛାତ୍ରୀ ମାନେ ଏହି ସମସ୍ତ ଫଟୋ ଏକ୍ଟିଭିଟି ଦେଖି ପ୍ରେରଣା ପାଇବେ ବୋଲି ଆଶା କରାଯାଏ । ତତ୍ପରେ ରେଡକ୍ରସ ସ୍ୱେଚ୍ଚାସେବୀମାନେ ଗ୍ରାମରେ ବସବାସ କରୁଥିବା ୧୦ଜଣ ଗରିବ ପରିବାରକୁ ଶୁଖିିଲା ଖାଦ୍ୟ ଏବଂ ବୁଲା ଗାଇ ଓ କୁକୁରଙ୍କୁ ଜୀବେ ଦୟା ନୀତିରେ କିଛ ଖାଦ୍ୟ ତଥା ପିଇବା ପାଣି ଯୋଗଇଥିଲେ । ବିଦ୍ୟାଳର କର୍ମଚାରୀ ରାଜେନ୍ଦ୍ର ବାଦୀ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ । ବରିଷ୍ଠ ଶିକ୍ଷୟତ୍ରୀ ମୀନାକ୍ଷୀ ହୋତା ଧନ୍ୟବାଦ ଅର୍ପଣ କରିଥିଲେ ।
