ବଣାଇ, (ହବିବ ମହମ୍ମଦ) : ଆଜି ସକାଳୁ ବଣାଇ ଉପଜିଲ୍ଲାପାଳ ସୁରଞ୍ଜନ ସାହୁଙ୍କ ନେତୃତ୍ୱରେ ବଣାଇର ବାଣେଶ୍ୱର ଛକ ଠାରୁ ଏକ ରାଲିର ଆୟୋଜନ ହୋଇଯାଇଛି । ଏହାର ଅବ୍ୟବହିତ ପୂର୍ବରୁ ଶ୍ରୀ ସାହୁ ଏହି ପଥଉତ୍ସବର ମହତ୍ୱ ସମ୍ପର୍କରେ ସମସ୍ତଙ୍କୁ ଅବଗତ କରାଇଥିଲେ । ଏହି ଗଣ ଦୌଡ଼ରେ ସ୍ଥାନୀୟ ସାମ୍ବାଦିକ ବୁଦ୍ଧିଜୀବୀ ଏବଂ ସମସ୍ତ ବର୍ଗର ଜନ ସମାଗମ ଦେଖିବାକୁ ମିଳିଥିଲା । ବିଶେଷ କରି ଯୁବ ଭୋଟର ମାନେ ଏହି ପଥ ଉତ୍ସବରେ ନୂତନ ଉନ୍ମାଦନା ନେଇ ଭାଗିଦାର ହୋଇ ଥିବାରୁ ଉପସ୍ଥିତ ସମସ୍ତ ପ୍ରଶାସନିକ ଅଧିକାରୀ ତାଙ୍କୁ ଅଭିନନ୍ଦନ ଜ୍ଞାପନ କରିଥିଲେ । ଏହି ରାଲି ବାଣେଶ୍ୱର ଛକରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ଯାଇଥିବା ବେଳେ ସେଠାରେ ନିର୍ବାଚନ କମିଶନଙ୍କ ତରଫରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହୋଇଥିବା ନେଇ ଉପଜିଲ୍ଲାପାଳ ସୂଚନା ଦେଇଥିଲେ ।