ବରଗଡ, (ନିରୋଜ କୁମାର ପାଣୀ) : ସମ୍ପର୍କ ସ୍ୱେଚ୍ଛାସେବୀ ସଂଘ ପକ୍ଷରୁ ବରଗଡ଼ ବ୍ଲକ ଅନ୍ତର୍ଗତ ସସ୍ତୁପାଲିଠାରେ ଏକ ରକ୍ତଦାନ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଯୁବ ସଂଗଠକ କୁଶ ସାହୁଙ୍କ ଜନ୍ମଦିନ ଥିବାରୁ ରକ୍ତଦାନ ଶିବିର ଆୟୋଜନ କରିଥିଲେ । ମୁଖ୍ୟ ଅତିଥି ଭାବେ ସମାଜସେବୀ ସୁବ୍ରତ କୁମାର ବିର୍ତ୍ତିଆ ଓ ସାଂସଦ ପ୍ରତିନିଧି ଅବନୀ କାନ୍ତ ପଣ୍ଡା ଯୋଗଦେଇ ରକ୍ତ ଦାତା ମାନଙ୍କୁ ଉତ୍ସାହିତ କରିଥିଲେ । ତାଙ୍କୁ ୨୩ ବର୍ଷ ହେଉଥିବାରୁ ୨୩ ୟୁନିଟ ରକ୍ତ ବରଗଡ଼ ବ୍ଲଡ ବ୍ୟାଙ୍କ ଦ୍ୱାରା ସଂଗ୍ରହ କରାଯାଇଥିଲା । ନିଜ ପୁଅର ଜନ୍ମଦିନରେ ଜନ୍ମ କଳା ମା’ ରକ୍ତଦାନ କରିଥିଲେ । ସେବକ, ଲୋକେଶ୍ୱର, ରାଜକୁମାର, ଖଗପତି, ଭୋଜ, ରାଜୁ, ବିଶ୍ଵନାଥ, ମକରନ୍ଦ, କ୍ଷମାନିଧି, ବୁଧୁ, ମନ, ଦଶାନନ୍ଦ, ଅଭି, ସୁବଳ, ଅଯୋଧ୍ୟା, ଅମୂଲ୍ୟ ପ୍ରମୁଖ ରକ୍ତଦାନ କରିଥିଲେ । ରୋଷନ ସାହୁ ଓ ନଳିନୀ ବାଗ ପ୍ରମୁଖ ପରିଚାଳନା କରିଥିଲେ ।