କଣ୍ଟାବାଞ୍ଜି, (ଗୁରୁ ଦୟାଲ ହଂସ) : ଆଜି ସକାଳ ସମୟ ପ୍ରାୟ ୧୧ଟା ସମୟରେ ମହିଳା ସ୍ନାତକ ମହାବିଦ୍ୟାଳୟ କଣ୍ଟାବାଞ୍ଜିକୁ ରାଜେନ୍ଦ୍ର ବିଶ୍ୱବିଦ୍ୟାଳୟର ଆଞ୍ଚଳିକ ଅନୁସନ୍ଧାନ କମିଟି ପରିଦର୍ଶନରେ ଆସିଥିଲେ । ଡ଼କ୍ଟର ବିଗନେଶ ପ୍ରସାଦ ମିଶ୍ର, ଅଧ୍ୟକ୍ଷ୍ୟ ମହାବିଦ୍ୟାଳୟ ଉନୟନ ପରିଷଦ ରାଜେନ୍ଦ୍ର ବିଶ୍ୱବିଦ୍ୟାଳୟ ବଲାଙ୍ଗିରଙ୍କ ନେତୃତ୍ୟରେ ଏକ ତିନି ଜଣିଆ କମିଟିରେ ବାଣିଜ୍ୟ ଅଧ୍ୟାପିକା ଶ୍ରୀମତୀ କିସାନ ଓ ବରିଷ୍ଠ କିରାଣୀ ଅକ୍ଷୟ କୁମାର ସେଠି ମଧ୍ୟ ମହିଳା ସ୍ନାତକ ମହାବିଦ୍ୟାଳୟକୁ ଆସି ମହାବିଦ୍ୟାଳୟର ସହ ବନ୍ଧନ ନବୀକରଣ ସକାଶେ ଭିତ୍ତି ଭୂମି, ସରକାରୀ ନଥିପତ୍ର ଯାଞ୍ଚ କରିବା ସହିତ ମହାବିଦ୍ୟାଳୟର ଅଧ୍ୟାପକ ଓ ଅଧ୍ୟାପିକାଙ୍କ ସହିତ ପାଠ ପଢା ଓ ଛାତ୍ରୀମାନଙ୍କର ବ୍ୟବହାର ଆଚରଣ ବିଷୟରେ ମଧ୍ୟ ଆଲୋଚନା କରିଥିଲେ । ତିନି ଜଣିଆ କମିଟି ମହାବିଦ୍ୟାଳୟର ଗ୍ରନ୍ଥାଗାର ପାଠାଗାର ଓ ଅନ୍ୟାନ୍ନ ପରିସରକୁ ବୁଲି ଦେଖିଥିଲେ ଓ ମହାବିଦ୍ୟାଳୟର କର୍ତ୍ତୃପକ୍ଷଙ୍କ କାର୍ଯ୍ୟ ଓ ଅଧ୍ୟାପିକା ଅଧ୍ୟାପକମାନଙ୍କର ବ୍ୟବହାରରେ ସନ୍ତୁଷ୍ଟ ପ୍ରକଟ କରିଥିଲେ । ସନ୍ଧ୍ୟା ପ୍ରାୟ ୪ଟା ସମୟରେ ରାଜେନ୍ଦ୍ର ବିଶ୍ୱବିଦ୍ୟାଳୟ ବଲାଙ୍ଗିରକୁ ପ୍ରତ୍ୟାବର୍ତ୍ତନ କରିଥିଲେ ।