ଲାଠୋର, (ଅଶୋକ ବାଗ) : ବଲାଙ୍ଗିର ଜିଲ୍ଲା ଲାଠୋର ଥାନା ଅଧିନ ଚୋରମୁଣ୍ଡା ଗ୍ରାମ ନିକଟରେ ମାଲବାହି ଟ୍ରେନ ଧକ୍କା ଦେବାରୁ ଏକ ଅଜଣା ଯୁବକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଲାଠୋର ସ୍ଥିତ ହରିଶଙ୍କର ରୋଡ ରେଳ ଷ୍ଟେସନ ଦେଇ ରାୟପୁର ପଟେ ଯାଉଥିବା ରେଳ ଧାରଣା ଖମ୍ବ ନମ୍ବର ୧୩୫/ ୩୦ଠାରେ ମଙ୍ଗଳବାର ସଂଧ୍ୟା ସମୟରେ ଏକ ମାଳବାହି ଟ୍ରେନ ଧକ୍କା ଦେବାରୁ ଏକ ଅଜଣା ଯୁବକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ମୃତ ଯୁବକଙ୍କ ପରିଚୟ ମିଳି ନାହିଁ । ଖବର ପାଇ କଣ୍ଟାବାଞ୍ଜି ଜିଆର୍ପି ପୋଲିସ ଆସି ଶବକୁ ଜବତ କରି ଘଟଣାର ତଦନ୍ତ କରୁଥିବା ଜଣାପଡ଼ିଛି । ଏନେଇ ଏକ ମାମଲା ରୁଜ୍ଜୁ କରାଯାଇ ତଦନ୍ତ କରୁଥିବା ନେଇ ଏଏସ୍ଆଇ ସିତାରାମ ସୁନାରି ପ୍ରକାଶ କରିଛନ୍ତି ।