ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିକଟସ୍ଥ ମହୁଲପାଲି ପଞ୍ଚାୟତ ଦର୍ବେକେଲା ଗ୍ରାମରେ ଜଣାଅଜଣା ପୌରାଣିକ କୁଇଜ୍ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ପଦ୍ମପୁର ଶିକ୍ଷକ ଏକାଦଶ ଦ୍ୱାରା ଅନୁଷ୍ଠିତ ଏହି କାର୍ଯ୍ୟକ୍ରମରେ ଅବସରପ୍ରାପ୍ତ ଶିକ୍ଷକ କୈଳାସ ପୁଞ୍ଜି ମୁଖ୍ୟଅତିଥି, ସନାତନ ପ୍ରେମୀ ଭକ୍ତବନ୍ଧୁ ସାହୁ, ସାଗର ସେଠ ଓ ଗୋବିନ୍ଦ ସାହୁ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ । ରଜତ ସାହୁଙ୍କ ସୁମଧୁର ଭଜନ ଦ୍ଵାରା କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା । ଦର୍ବେକେଲାର ମହିଳା ସଂକୀର୍ତ୍ତନ ମଣ୍ଡଳୀ ମଧ୍ୟ ସଂଗୀତ ପରିବେଷଣ କରି ସମାରୋହକୁ କୃଷ୍ଣମୟ କରି ଦେଇଥିଲେ । ଶିକ୍ଷକ ଏକାଦଶଙ୍କ ତରଫରୁ କୁଇଜ୍ ମାଷ୍ଟର ବିରେନ୍ଦ୍ର ପ୍ରଧାନ, କିଶୋର ପାତ୍ର, ଦିନେଶ ସାହୁ, କୁଞ୍ଜବିହାରୀ ସରାଫ, ନରେନ୍ଦ୍ର ପ୍ରଧାନ ଓ ରାକେଶ ସାହୁ ଛାତ୍ରଛାତ୍ରୀଙ୍କୁ ବିଭିନ୍ନ ପ୍ରଶ୍ନ ପଚାରିଥିଲେ ଏବଂ ଦିଲୀପ ସାହୁ ଉତ୍ତର ସଂଗ୍ରହ କରିଥିଲେ । ଗାଁର ଆବାଳ ବୃଦ୍ଧ ବନିତା ବହୁ ସଂଖ୍ୟାରେ ସକ୍ରିୟ ଅଂଶଗ୍ରହଣ କରି ପୁରସ୍କୃତ ହୋଇଥିଲେ । ଏହି କାର୍ଯ୍ୟକ୍ରମରେ ସରୋଜ, ହରେକୃଷ୍ଣ, ମାନସ, ପିଣ୍ଟୁ ଆଦି ସହଯୋଗ କରିଥିଲେ । ଶେଷରେ କାର୍ଯ୍ୟକ୍ରମର ସଫଳତା ପାଇଁ ରୂପକ ସାହୁ ଧନ୍ୟବାଦ ଅର୍ପଣ କରିଥିଲେ ।