ନିଷାନ ସାହିତ୍ୟ ସଂସଦ ପୁନର୍ଗଠିତ

ତୁଷୁରା, (କେପିଏନ୍‌ଏସ୍‌) : ନିଷାନ ସାହିତ୍ୟ ସଂସଦ ତୁଷୁରା, ବଲାଙ୍ଗିରର ଏକ ସାଧାରଣ ସଭା ସ୍ଥାନୀୟ ତୋଷାଳୀ ମହିଳା ମହାବିଦ୍ୟାଳୟ ଠାରେ ସଂପାଦକ ଆଶୁକବି ହେମନ୍ତ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ସଭା ପ୍ରାରମ୍ଭରେ ନିଷାନର ସଭାପତି ସ୍ୱର୍ଗତ ରମେଶ ପ୍ରଧାନଙ୍କ ଅମର ଆତ୍ମାର ସଦଗତି ନିମନ୍ତେ ୨ ମିନିଟ ନୀରବ ପ୍ରାର୍ଥନା ସହ ଶାନ୍ତି ପାଠ କରାଯାଇଥିଲା । ବିଶିଷ୍ଟ ସାହିତ୍ୟିକ, ସ୍ତମ୍ଭକାର ତୁଳସୀ ଜୈନ, ବିଶିଷ୍ଟ ଶିକ୍ଷାବିତ୍ ଡ. ସୁଧାଂଶୁ ଭୂଷଣ ମେହେର, ଅଧ୍ୟାପକ ଜଳଧର ମାଝୀ, ବିଶିଷ୍ଟ କବି ଶ୍ୟାମ ସୁନ୍ଦର ପ୍ରଧାନ, କଣ୍ଠଶିଳ୍ପୀ ସୁଧାକର ପ୍ରଧାନ, ସଞ୍ଜୀବ ପ୍ରଧାନ, ଲବ ପ୍ରଧାନ ପ୍ରମୁଖ ସ୍ୱର୍ଗତ ପ୍ରଧାନଙ୍କ ସ୍ମୃତିଚାରଣ କରିଥିଲେ । ନିଷାନର ନୂତନ ସଭାପତି ଭାବେ ଶ୍ୟାମ ସୁନ୍ଦର ପ୍ରଧାନ ଓ ସହ ସଂପାଦକ ଭାବେ ଯୁବକବି କୃଷ୍ଣେନ୍ଦୁ ହୋତାଙ୍କୁ ସର୍ବସମ୍ମତି କ୍ରମେ ମନୋନୀତ କରାଯାଇଥିଲା । ଯୁବକବି କୃଷ୍ଣେନ୍ଦୁ ହୋତାଙ୍କ ଜନ୍ମଦିନ ମଧ୍ୟ ପାଳିତ ହୋଇଥିଲା । ଉପସ୍ଥିତ କବି, କବୟିତ୍ରୀମାନେ କବିତା ମାଧ୍ୟମରେ ଶୁଭେଚ୍ଛା ଜଣାଇଥିଲେ । ସମସ୍ତଙ୍କ ତରଫରୁ ଏକ ଉପହାର ଭେଟି ଦିଆଯାଇଥିଲା । କବୟିତ୍ରୀ ବବିତା ମେହେର, ହୀରାବତୀ ସାହୁ, କନକଲତା ପଣ୍ଡା, ତୃପ୍ତିମୟୀ ତ୍ରିପାଠୀ, ଗୌରୀ ଶର୍ମା, କବି ଦେବେନ୍ଦ୍ର ଭୋଇ, ନରସିଂହ ମେହେର, ସୁଧାକର ପ୍ରଧାନ(ଖ), ଶ୍ରୀପାଳ ପଣ୍ଡା, ଭକ୍ତ ହାତୀ, ସନ୍ତୋଷ କୁମାର ବେହେରା, ନିତ୍ୟାନନ୍ଦ ଷଡଙ୍ଗୀ, ଦଶରଥ ସାମଲ, ଅବନୀ ସାହୁ, ପ୍ରଦୀପ ତ୍ରୀପାଠୀ, ପ୍ରହଲ୍ଲାଦ ଦଣ୍ଡସେନା ପ୍ରମୁଖ ବୈଠକରେ ଉପସ୍ଥିତ ଥିଲେ । ପରିଶେଷରେ କବି ଭକ୍ତବନ୍ଧୁ ସାହୁ ଧନ୍ୟବାଦ ଅର୍ପଣ କରିଥିଲେ ।