ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ମାଣ୍ଡୋସିଲ ଇନ୍ଦିରା ନଗରଠାରେ ୧୫ତମ କାର୍ତ୍ତିକେଶ୍ଵର ପୂଜା ୨୦୨୩ ଅନୁଷ୍ଠିତ ହୋଇଯାଇଛି । କର୍ତ୍ତା ଭାବେ ସୁରେନ୍ଦ୍ର ରଣା ଓ ତାଙ୍କ ଧର୍ମ ପତ୍ନୀ ହେମାକାନ୍ତୀ ରଣା ରହିଥିବା ବେଳେ ପୂଜକ ଭାବେ ଭୀମସେନ ଦାସ ରହିଥିଲେ । ପ୍ରଥମ ଦିନରେ ସକାଳ ସମୟରେ କଳସ ଯାତ୍ରା ୨୧ ଯୋଡ଼ିଙ୍କୁ ନେଇ କରାଯାଇଥିଲା ଏବଂ ସନ୍ଧ୍ୟା ସମୟରେ ବୁଗି ବୁଗି ନୃତ୍ୟ ପ୍ରତିଯୋଗିତା ଆରମ୍ଭ ହୋଇଥିଲା । ଏହି ପ୍ରତିଯୋଗିତାରେ ମୁଖ୍ୟ ଅତିଥି ଭାବେ ପଦ୍ମପୁର ପୂର୍ବତନ ବିଧାୟକ ପ୍ରଦୀପ ପୁରୋହିତ ଫିତା କାଟି ଉଦ୍ଘାଟନ କରିଥିଲେ । ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ନାଟ୍ୟକାର ତଥା ନିର୍ଦ୍ଦେଶକ ଲଳିତ ଜଗତ । କାର୍ଯ୍ୟକ୍ରମରେ ଉପସ୍ଥିତ ଥିଲେ ପୂଜା କମିଟିର ସଭାପତି ଧନ ସିଂହ ଶବର, ସଂପାଦକ ମାନସ ସାହୁ ଓ କୋଷାଧ୍ୟକ୍ଷ ନରସିଂହ ବେହେରା, ଶରତ ହଂସ, କିଶୋର ଖୁଣ୍ଟିଆ, ଭୁବନ ପ୍ରଧାନ, ମହାଦେବ ରଣା, ପବିତ୍ର ସାଗର, କେଦାର ହଂସ, ହୃଷିକେଶ ପ୍ରଧାନ ଓ ଅନ୍ୟାନ୍ୟ ସଦସ୍ୟ ଉପସ୍ଥିତ ଥିଲେ ।