ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସରସ୍ୱତୀ ଶିଶୁ ବିଦ୍ୟା ମନ୍ଦିରଠାରେ ବିଦ୍ୟାଦାତା ଗଣେଶଙ୍କ ପୂଜା ଅନୁଷ୍ଠିତ ହୋଇଯାଇଛି । ଏହି ଅବସରରେ କୁନିକୁନି ଲେଖକ, ଲେଖିକା ତଥା ଚିତ୍ରକରମାନଙ୍କ ସ୍ୱରଚିତ ଲେଖା ଓ ଚିତ୍ରର ସମାହାର ଅରୁଣ ପତ୍ରିକା ପ୍ରଧାନ ଆଚାର୍ଯ୍ୟ ଯୁବରାଜ ପଧାନଙ୍କ ଦ୍ୱାରା ଉନ୍ମୋଚିତ ହୋଇଥିଲା । ଶିଶୁ ମନ୍ଦିର ପରିସରରେ ମୁଦିରଥ ପଣ୍ଡା ପୂଜକ ଦାୟିତ୍ୱ ତୁଳାଇ ଥିବା ବେଳେ ବିଦ୍ୟା ମନ୍ଦିର ବିଭାଗରେ ଯଦୁମଣି ଦାଶ ପୂଜକ ଦାୟିତ୍ୱ ତୁଳାଇ ଥିଲେ । ପରିଚାଳନା କମିଟିର ସମ୍ପାଦକ ଜନକଲାଲ ମେହେର, ସଭାପତି ପୃଥିରାଜ ସାହୁ, କୋଷାଧ୍ୟକ୍ଷ ଘନଶ୍ୟାମ ପୁଞ୍ଜିଙ୍କ ସମେତ ଅନ୍ୟାନ୍ୟ ସଭ୍ୟ ବୃନ୍ଦ ମାତୃ ଭାରତୀ ସଦସ୍ୟାମାନେ ପୂର୍ବତନ ଛାତ୍ରଛାତ୍ରୀ ଯୋଗଦାନ କରିଥିଲେ । ସମସ୍ତଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ହୋଇଥିଲା ।