ପଦ୍ମପୁର, (ନିରୋଜ କୁମାର ପାଣୀ) : ବାଲେଶ୍ୱରର ଗାନ୍ଧୀ ସ୍ମୃତି ଭବନଠାରେ କେଦାର ଭାରତୀ ସାପ୍ତାହିକ ପତ୍ରିକାର ବାର୍ଷିକ ବିଶେଷାଙ୍କ ଉନ୍ମୋଚିତ ହୋଇଯାଇଛି । ଅଧ୍ୟାପକ ପୂର୍ଣ୍ଣଚନ୍ଦ୍ର ନାୟକଙ୍କ ସଭାପତିତ୍ୱରେ ମୁଖ୍ୟ ଅତିଥିଭାବେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଯୋଗଦେଇ ବାର୍ଷିକ ପତ୍ରିକାର ଉନ୍ମୋଚନ କରିଥିଲେ । ମୁଖ୍ୟବକ୍ତା ଭାବେ ନୀଳଗିରି ବିଧାୟକ ସୁକାନ୍ତ ନାୟକ, ସମ୍ମାନିତ ଅତିଥି ପୂର୍ବତନ ବିଧାୟକ ଜୀବନ ପ୍ରଦୀପ ଦାଶ । ବିଜେପି ଜିଲ୍ଲା ସଭାପତି ରମାକାନ୍ତ ମହାପାତ୍ର, ସମାଜ ସେବୀ ଶ୍ରୀନାଥ ବେହେରା ଓ ରଶ୍ମୀରଞ୍ଜନ ଦାଶ ଯୋଗଦେଇ ଉନ୍ନତ ସମାଜର ଗଠନରେ ଭାଷା ଓ ସାହିତ୍ୟର ଭୂମିକା ସମ୍ପର୍କରେ ନିଜ ନିଜର ମନ୍ତବ୍ୟ ରଖିଥିଲେ । ଏହି ଅବସରରେ ଓଡିଶାର ବିଭିନ୍ନ ଜିଲ୍ଲାର ୫୦ଜଣଙ୍କୁ ‘ପ୍ରିୟ କବି ଲେଖକ’ ସମ୍ମାନ ପ୍ରଦାନ କରାଯାଇଥିଲା ଏବଂ ୨୦ଜଣ କବି ସ୍ୱରଚିତ କବିତା ପାଠ କରିଥିଲେ । ବରଗଡ଼ ଜିଲ୍ଲାର ବିଜେପୁର ଡିଗ୍ରୀ ମହାବିଦ୍ୟାଳୟ ଓଡ଼ିଆ ଅଧ୍ୟାପକ ଦିନେଶ ଅଗ୍ରୱାଲାଙ୍କୁ କେଦାର ଭାରତୀ ସାହିତ୍ୟ ପରିବାର ତରଫରୁ ‘ପ୍ରିୟ କବି ଲେଖକ-୨୦୨୧’ ସମ୍ମାନ ପ୍ରଦାନ କରାଯାଇଥିଲା । ବାସ୍ତବରେ ଏହା ଆମ ଅଞ୍ଚଳ ପାଇଁ ଗର୍ବର ବିଷୟ ।