ପଦ୍ମପୁର, (ନିରୋଜ କୁମାର ପାଣୀ) : ଓଡିଶାର ନୂତନ ରାଜ୍ୟପାଳ ରଘୁବର ଦାସଙ୍କୁ ଭେଟି ଶୁଭେଚ୍ଛା ଜଣାଇବା ସହ ପଦ୍ମପୁର ଅଞ୍ଚଳର ବିଭିନ୍ନ ବିଷୟରେ ଆଲୋଚନା ଓ ପଦ୍ମପୁର ଲୋକ ମହୋତ୍ସବକୁ ଆସିବା ପାଇଁ ନିମନ୍ତ୍ରଣ କରିଛନ୍ତି ଯୁବନେତା ପ୍ରୀତେଶ ବହିଦାର ଏହା ସହ ନୃସିଂହନାଥ ଓ ଦେବଦର୍ହା ଭଳି ପଶ୍ଚିମ ଓଡିଶାର ପ୍ରମୁଖ ତୀର୍ଥସ୍ଥଳୀମାନ ଭ୍ରମଣ କରିବାକୁ ମଧ୍ୟ ସେ ରାଜ୍ୟପାଳ ମହୋଦୟଙ୍କୁ ଆମନ୍ତ୍ରଣ କରିଛନ୍ତି । ସାକ୍ଷାତ ସମୟରେ ମହୋତ୍ସବର ଆବାହକ ଅଶୋକ କୁମାର ମିଶ୍ର, ସହ ଆବାହକ କୁନାଲ ପାଣିଗ୍ରାହୀ, ନରେଶ ସୁନ୍ଦର ସାହୁ, ଯୁଗଳ ସାହୁ, ଶୁଭମ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ । ପଦ୍ମପୁର ଭଳି ଏକ ପଛୁଆ ଅଞ୍ଚଳରେ ଏତେ ବଡ଼ ଲୋକ ମହୋତ୍ସବ ଆୟୋଜନ ପ୍ରୟାସକୁ ଶ୍ରୀ ଦାସ ପ୍ରଶଂସା କରିବା ସହ ଆଗାମୀ ଦିନରେ ସୁଯୋଗ ମିଳିଲେ ନିଶ୍ଚିତ ଭାବେ ସମୟ ଦେବେ ବୋଲି ସେ ଖୁସି ବ୍ୟକ୍ତ କରିଛନ୍ତି ।