୬୯ତମ ଓଡ଼ିଶା ରାଜ୍ୟ ବିଦ୍ୟାଳୟ ସମୂହ ଫୁଟବଲ ପ୍ରତିଯୋଗିତା

ବଲାଙ୍ଗିର, (କେପିଏନ୍‌ଏସ୍‌) : ୬୯ତମ ଓଡିଶା ରାଜ୍ୟ ବିଦ୍ୟାଳୟ ସମୂହ ୧୭ବର୍ଷରୁ କମ ବାଳକ ବର୍ଗର ଫୁଟବଲ ପ୍ରତିଯୋଗିତାର ଲିଗ ମ୍ୟାଚ୍‌ ସହରର ଆର୍‌ଏନ୍‌ ସିଂଦେଓ ସ୍ପୋର୍ଟ୍ସ କଂପ୍ଲେକ୍ସ, ପୃଥ୍ଵୀରାଜ ହାଇସ୍କୁଲ ଖେଳପଡିଆ, ଟାଉନ ହାଇସ୍କୁଲ ଖେଳ ପଡିଆ, ମିଶନ ହାଇସ୍କୁଲ ଖେଳ ପଡିଆ ଏବଂ ସଦାଇପାଲି ସାଇଟ ଖେଳ ପଡିଆ ଠାରେ ଆରମ୍ଭ ହୋଇଯାଇଛି । ଆର୍‌ଏନ୍‌ ସିଂ ଦେଓ ଖେଳ ପଡିଆ ଠାରେ ପ୍ରଥମ ଲିଗ ମ୍ୟାଚ୍‌ ବଲାଙ୍ଗିର ବନାମ ସମ୍ବଲପୁର ମଧ୍ୟରେ ହୋଇଥିଲା, ବଲାଙ୍ଗିର ୨-୦ ଗୋଲରେ ବିଜୟୀ ହୋଇଥିଲା । ସେହିପରି ଦ୍ଵିତୀୟ ମ୍ୟାଚ୍‌ କୋରାପୁଟ ବନାମ କନ୍ଧମାଳ ମଧ୍ୟରେ ହୋଇଥିଲା ଓ ଏହି ମ୍ୟାଚ୍‌ ୦-୦ରେ ଡ୍ର ହୋଇଥିଲା । ତୃତୀୟ ମ୍ୟାଚ୍‌ ସମ୍ବଲପୁର ବନାମ ମୟୁରଭଞ୍ଜ ମଧ୍ୟରେ ହୋଇଥିବା ବେଳେ ମୟୁରଭଞ୍ଜ ୨-୧ରେ ବିଜୟୀ ହୋଇଥିଲା । ଚତୁର୍ଥ ମ୍ୟାଚ୍‌ ଗଞ୍ଜାମ ବନାମ କନ୍ଧମାଳ ମଧ୍ୟରେ ହୋଇଥିବାବେଳେ ଗଞ୍ଜାମ ୧-୦ରେ ବିଜୟୀ ହୋଇଥିଲା । ପଞ୍ଚମ ମ୍ୟାଚ୍‌ ବଲାଙ୍ଗିର ବନାମ ମୟୁରଭଞ୍ଜ ମଧ୍ୟରେ ୦-୦ରେ ଡ୍ର ହୋଇଥିଲା । ଷଷ୍ଠ ମ୍ୟାଚ୍‌ କୋରାପୁଟ ବନାମ ଗଞ୍ଜାମ ମଧ୍ୟରେ ହୋଇଥିଲା ଓ ଏହି ମ୍ୟାଚ୍‌ ୦-୦ରେ ଡ୍ର ହୋଇଥିଲା । ସେହିପରି ମିଶନ ପଡିଆ ଠାରେ ପ୍ରଥମ ଲିଗ ମ୍ୟାଚ ପୁରୀ ବନାମ କଳାହାଣ୍ଡି ମଧ୍ୟରେ ହୋଇଥିଲା ଓ ପୁରୀ ୪-୧ରେ ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ୍‌ରେ ଗଜପତି ବନାମ ବାଲେଶ୍ୱର ମଧ୍ୟରେ ହୋଇଥିବା ମ୍ୟାଚ୍‌ରେ ବାଲେଶ୍ୱର ୪-୦ରେ ବିଜୟୀ ହୋଇଥିଲା । ତୃତୀୟ ମ୍ୟାଚ୍‌ କଳାହାଣ୍ଡି ବନାମ ସୋନପୁର ମଧ୍ୟରେ ହୋଇଥିଲା ଓ ସୋନପୁର ଦଳ ୩-୦ରେ ବିଜୟୀ ହୋଇଥିଲା । ଚତୁର୍ଥ ମ୍ୟାଚ୍‌ରେ ବାଲେଶ୍ୱର ବନାମ ଅନୁଗୁଳ ମଧ୍ୟରେ ହୋଇଥିବା ବେଳେ ମ୍ୟାଚ୍‌ ୧-୧ରେ ଡ୍ର ହୋଇଥିଲା । ପଞ୍ଚମ ମ୍ୟାଚ୍‌ ପୁରୀ ବନାମ ସୋନପୁର ମଧ୍ୟରେ ହୋଇଥିଲା ଓ ସୋନପୁର ଦଳ ୩-୦ରେ ବିଜୟୀ ହୋଇଥିଲା । ଷଷ୍ଠ ମ୍ୟାଚ୍‌ ଅନୁଗୁଳ ବନାମ ଗଜପତି ମଧ୍ୟରେ ହୋଇଥିଲା ଓ ଅନୁଗୁଳ ୯-୦ରେ ବିଜୟୀ ହୋଇଥିଲା । ଟାଉନ ହାଇସ୍କୁଲ ଖେଳ ପଡିଆ ଠାରେ ଅନୁଷ୍ଠିତ ପ୍ରଥମ ଲିଗ ମ୍ୟାଚ୍‌ରେ ମାଲକାନଗିରି ବନାମ ନବରଙ୍ଗପୁର ମଧ୍ୟରେ ହୋଇଥିବା ବେଳେ ନବରଙ୍ଗପୁର ୩-୧ରେ ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ ଜଗତସିଂହପୁର ବନାମ କେନ୍ଦୁଝର ମଧ୍ୟରେ ହୋଇଥିଲା, କେନ୍ଦୁଝର ୧-୦ରେ ବିଜୟୀ ହୋଇଥିଲା । ତୃତୀୟ ମ୍ୟାଚ କେନ୍ଦ୍ରାପଡା ବନାମ ଦେବଗଡ ମଧ୍ୟରେ ହୋଇଥିଲା, କେନ୍ଦ୍ରାପଡା ୧-୦ରେ ବିଜୟୀ ହୋଇଥିଲା । ଚତୁର୍ଥ ମ୍ୟାଚ ମାଲକାନଗିରି ବନାମ ଯାଜପୁର ମଧ୍ୟରେ ହୋଇଥିବା ବେଳେ ମ୍ୟାଚ ୦-୦ରେ ଡ୍ର ହୋଇଥିଲା । ପଞ୍ଚମ ମ୍ୟାଚ କେନ୍ଦୁଝର ବନାମ କେନ୍ଦ୍ରାପଡା ମଧ୍ୟରେ ହୋଇଥିଲା ଓ ଏଥିରେ କେନ୍ଦୁଝର ଦଳ ୨-୧ରେ ବିଜୟୀ ହୋଇଥିଲେ । ଷଷ୍ଠ ମ୍ୟାଚ ଜଗତସିଂହପୁର ବନାମ ଦେବଗଡ ମଧ୍ୟରେ ହୋଇଥିଲା ଏଥିରେ ଦେବଗଡ଼ ୨-୧ରେ ବିଜୟୀ ହୋଇଥିଲା । ସପ୍ତମ ମ୍ୟାଚ୍‌ ନବରଙ୍ଗପୁର ବନାମ ଯାଜପୁର ମଧ୍ୟରେ ହୋଇଥିଲା ଓ ନବରଙ୍ଗପୁର ୧-୦ରେ ବିଜୟୀ ହୋଇଥିଲା । ଅଷ୍ଟମ ମ୍ୟାଚ୍‌ କେନ୍ଦୁଝର ବନାମ ଦେବଗଡ ମଧ୍ୟରେ ହୋଇଥିଲା ଓ ଦେବଗଡ ଦଳ ୨-୧ରେ ବିଜୟୀ ହୋଇଥିଲେ । ନବମ ମ୍ୟାଚ୍‌ ଜଗତସିଂହପୁର ବନାମ କେନ୍ଦ୍ରାପଡ଼ା ମଧ୍ୟରେ ହୋଇଥିଲା ଏହି ମ୍ୟାଚ ୨-୨ ରେ ଡ୍ର ହୋଇଥିଲା । ପିଆର ହାଇସ୍କୁଲ ଖେଳ ପଡିଆ ଠାରେ ଅନୁଷ୍ଠିତ ଲିଗ ମ୍ୟାଚ୍‌ରେ ପ୍ରଥମେ ନୂଆପଡା ବନାମ ବୌଦ୍ଧ ମଧ୍ୟରେ ହୋଇଥିଲା ଓ ନୂଆପଡା ଦଳ ୧-୦ରେ ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ୍‌ ସୁନ୍ଦରଗଡ ବନାମ ଝାରସୁଗୁଡା ମଧ୍ୟରେ ହୋଇଥିଲା । ଏହି ମ୍ୟାଚ ରେ ସୁନ୍ଦରଗଡ ଦଳ ୨-୦ରେ ବିଜୟୀ ହୋଇଥିଲା । ତୃତୀୟ ମ୍ୟାଚ୍‌ ବରଗଡ ବନାମ ଝାରସୁଗୁଡା ମଧ୍ୟରେ ହୋଇଥିଲା ଓ ବରଗଡ ଦଳ ୧-୦ରେ ବିଜୟୀ ହୋଇଥିଲା । ଚତୁର୍ଥ ମ୍ୟାଚ୍‌ ନୂଆପଡା ବନାମ ନୟାଗଡ ମଧ୍ୟରେ ହୋଇଥିବା ବେଳେ ନୟାଗଡ ଦଳ ୬-୦ରେ ବିଜୟୀ ହୋଇଥିଲା । ପଞ୍ଚମ ମ୍ୟାଚ୍‌ ସୁନ୍ଦରଗଡ ବନାମ ବରଗଡ ମଧ୍ୟରେ ହୋଇଥିଲ ଏଥିରେ ସୁନ୍ଦରଗଡ଼ ଦଳ ୨-୦ରେ ବିଜୟୀ ହୋଇଥିଲା । ଷଷ୍ଠ ମ୍ୟାଚ୍‌ ବୌଦ୍ଧ ବନାମ ନୟାଗଡ ମଧ୍ୟରେ ହୋଇଥିଲା । ଏହି ମ୍ୟାଚରେ ନୟାଗଡ ଦଳ ୩-୦ରେ ବିଜୟୀ ହୋଇଥିଲା । ସଦାଇପାଲି ସାଇଟ ଖେଳ ପଡିଆ ଠାରେ ଅନୁଷ୍ଠିତ ପ୍ରଥମ ଲିଗ ମ୍ୟାଚ୍‌ରେ କଟକ ବନାମ ଭୁବନେଶ୍ୱର ମଧ୍ୟରେ ଅନୁଷ୍ଠିତ ମ୍ୟାଚ୍‌ରେ ଭୁବନେଶ୍ୱର ୧-୦ରେ ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ୍‌ ଭଦ୍ରକ ବନାମ ଖୋର୍ଦ୍ଧା ମଧ୍ୟରେ ହୋଇଥିଲା ଓ ମ୍ୟାଚ ୧-୧ରେ ଡ୍ର ହୋଇଥିଲା । ତୃତୀୟ ମ୍ୟାଚ୍‌ ଭୁବନେଶ୍ୱର ବନାମ ରାୟଗଡା ମଧ୍ୟରେ ହୋଇଥିଲା ଓ ଭୁବନେଶ୍ୱର ୫-୦ରେ ବିଜୟୀ ହୋଇଥିଲା । ଚତୁର୍ଥ ମ୍ୟାଚ୍‌ ଖୋର୍ଦ୍ଧା ବନାମ ଢେଙ୍କାନାଳ ମଧ୍ୟରେ ହୋଇଥିଲା ଓ ଢେଙ୍କାନାଳ ଦଳ ୫-୦ରେ ବିଜୟୀ ହୋଇଥିଲା । ପଞ୍ଚମ ମ୍ୟାଚ୍‌ କଟକ ବନାମ ରାୟଗଡା ମଧ୍ୟରେ ହୋଇଥିଲା ଓ କଟକ ୬-୦ରେ ବିଜୟୀ ହୋଇଥିଲା । ଷଷ୍ଠ ମ୍ୟାଚ୍‌ ଭଦ୍ରକ ବନାମ ଢେଙ୍କାନାଳ ମଧ୍ୟରେ ହୋଇଥିଲା ଓ ଢେଙ୍କାନାଳ ଦଳ ୭-୦ରେ ବିଜୟୀ ହୋଇଥିଲା । ଏହି ମ୍ୟାଚ୍‌ରେ ଯୁବ ପ୍ରତିଭାଙ୍କ ତୀବ୍ର ଦୌଡ ଦର୍ଶକ ମାନଙ୍କ ଜୋରଦାର ଉତ୍ସାହ ବଢାଇଥିଲା । ଦୁହି ଦଳ ମାନଙ୍କର ତୀବ୍ରଗତି, ଫିଟନେସ, ଦୃଢ ମନୋବଳ, ସୁନ୍ଦର ରକ୍ଷା ଓ ତୀକ୍ଷ୍ଣ ଆକ୍ରମଣ ଦେଖି ଦର୍ଶକମାନେ ହାତ ତାଳି ରୋକି ପାରୁନଥିଲେ । ଏହି ଖେଳକୁ ଆବାହକ ନରସିଂହ ନାଇଡ଼ୁ, ରାମକୃଷ୍ଣ ବେହେରା, ମନୋରଞ୍ଜନ ପ୍ରହରାଜ, ବୈକୁଣ୍ଠ ନାଥ ଜେନା ଓ ଭାଗିରଥି ମଲ୍ଲିକ ପରିଚାଳନା କରିଥିଲେ ।

Leave A Reply

Your email address will not be published.