ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଛତ୍ରପୁର ପ୍ରେସ କ୍ଲବର ବାର୍ଷିକ ଉତ୍ସବ ଉପଲକ୍ଷେ ବିଭିନ୍ନ ପ୍ରତିଯୋଗିତା ମୂଳକ କାର୍ଯ୍ୟକ୍ରମମାନ ଆୟୋଜନ କରିବାର ବ୍ୟବସ୍ଥା କରଯାଇଛି । ସେଥି ମଧ୍ୟରୁ ରବିବାର ଦିବା ୧୧ଘଣ୍ଟା ସମୟରେ ଛତ୍ରପୁର ପ୍ରେସ କ୍ଲବ୍ ସମ୍ମୁଖସ୍ଥ ରାଜଦାଣ୍ଡର ପକ୍କା ସଡ଼କ ରାସ୍ତାରେ ଆଞ୍ଚଳିକ ସ୍ତରୀୟ ପ୍ରତିଭା ସମ୍ପନ୍ନ ମହିଳାମାନଙ୍କ ଦ୍ଵାରା ରଙ୍ଗୋଲି ଝୋଟି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସୁନ୍ଦର ଚିତ୍ତାକର୍ଷକ ଝୋଟି ଚିତା ପକାଇ ଚାରି ଜଣ ମହିଳା ନିଜର ପାରଦର୍ଶିତା ହାସଲ କରି କୃତ୍ତିତ୍ଵ ଅର୍ଜନ କରିଛନ୍ତି । ସୁମିତ୍ରା ମହାପାତ୍ର ପ୍ରଥମ ସ୍ଥାନ ଅଧିକାର କରିଥିବାବେଳେ ଏନ୍. ପୁଷ୍ପାଞ୍ଜଳି ଦ୍ୱିତୀୟ ଏବଂ ଏସ୍. ଗାୟତ୍ରୀ ରେଡ୍ଡୀ, ଏମ୍. ଗୌତମୀ ରେଡ୍ଡୀ ତୃତୀୟ ସ୍ଥାନ ଅଧିକାର କରି ନିଜର ପାରଦର୍ଶିତା ହାସଲ କରିବା ସହ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ଏହି କୃତି ପ୍ରତିଯୋଗୀଙ୍କୁ ଫେବୃଆରୀ ମାସ ୨ ତାରିଖରେ ଅନୁଷ୍ଠିତ ବାର୍ଷିକ ଉତ୍ସବରେ ମୁଖ୍ୟଅତିଥିଙ୍କ ଦ୍ଵାରା ପୁରସ୍କୃତ କରାଯିବ ବୋଲି ଛତ୍ରପୁର ପ୍ରେସ କ୍ଲବ ତରଫରୁ ଘୋଷଣା କରାଯାଇଛି ।
Next Post