ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ଆମେଚର ବଡିବିଲ୍ଡର୍ ଏସୋସିଏସ୍ନ୍ ଏବଂ ବଲାଙ୍ଗିର ଜିଲ୍ଲା ଜିମନାଷ୍ଟିକ୍ ଏସୋସିଏସ୍ନ୍ର ମିଳିତ ଉଦ୍ୟମରେ ଜିଲ୍ଲାସ୍ତରୀୟ ସୁନ୍ଦର ସ୍ୱାସ୍ଥ୍ୟ ଓ ବେଞ୍ଚ ପ୍ରେସ୍ ପ୍ରତିଯୋଗିତା ସ୍ଥାନୀୟ ଗାନ୍ଧୀ ପାଠାଗାରରେ ଅନୁଷ୍ଠିତ ହୋଇଯାଇଛି । ବଲାଙ୍ଗିର ଆମେଚର ବଡିବିଲ୍ଡର୍ ଏସୋସିଏସ୍ନ୍ର ସଂପାଦକ ସଞ୍ଜୟ ଶତପଥି ପ୍ରତିଯୋଗିତାକୁ ଶୁଭାରମ୍ଭ କରିଥିଲେ ଏବଂ ଉଭୟ ପୁରୁଷ ଓ ମହିଳା ପ୍ରତିଯୋଗୀମାନଙ୍କୁ ପ୍ରତିଯୋଗିତାର ସମସ୍ତ ନିୟମ ବିଷୟରେ ଅବଗତ କରାଇଥିଲେ । ଉକ୍ତ ପ୍ରତିଯୋଗିତାର ପୁରସ୍କାର ବିତରଣ ସଭାରେ ମୁୁଖ୍ୟ ଅତିଥି ଗାନ୍ଧୀ ପାଠାଗାରର ସଭାପତି ପ୍ରକାଶ କୁମାର ନେପାକ ଏବଂ ସମ୍ମାନିତ ଅତିଥି ରୂପେ ଓକିଲ ସଂଘ ସଭାପତି ଅମରେଶ ତ୍ରିପାଠୀ, ଜନ ବ୍ୟାଙ୍କ ଅଧିକାରୀ ଭାସ୍କର ରାଓ ଆଚାରୀ, ଏନ୍ଏମ୍ ଫିଟ୍ନେସ୍ର ଡାଇରେକ୍ଟର ମନୋଜ ମିଶ୍ର, ପ୍ରଫୁଲ୍ଲ ମହାପାତ୍ର ଓ ବିଡିଜିଏ ସଂପାଦକ ସଂଗ୍ରାମ ବହିଦାର, ଜିତେନ୍ଦ୍ର ନାଗ ଯୋଗ ଦେଇ କୃତି ପ୍ରତିଯୋଗୀମାନଙ୍କୁ ପୁରସ୍କାର ବିତରଣ କରିଥିଲେ । ପୁରୁଷ ଫିଜିକ୍ସ ଚମ୍ପିୟାନସିପ୍ ପ୍ରଥମ ଗୃପରେ ପ୍ରଥମ ସ୍ଥାନ ବୁଲୁ ନାଗ, ଦ୍ୱିତୀୟ ସ୍ଥାନ ବରୁଣ ନାୟକ, ତୃତୀୟ ସ୍ଥାନ ବିଶ୍ୱନାଥ ସୁନା ଅଧିକାର କରିଛନ୍ତି । ପୁରୁଷ ଫିଜିକ୍ସ ଚମ୍ପିୟାନସିପ୍ ଦ୍ୱିତୀୟ ଗୃପରେ ବିରେନ୍ଦ୍ର ପାତ୍ର, ସୁରେନ୍ଦ୍ର ବେହେରା, ପୂର୍ଣ୍ଣବନ୍ତ ଖରସେଲ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଛନ୍ତି । ପୁରୁଷ ବେଞ୍ଚ ପ୍ରେସ୍ ପ୍ରତିଯୋଗିତାରେ ଷ୍ଟ୍ରଙ୍ଗମ୍ୟାନ ବିଶ୍ୱନାଥ ସୁନା ଓ ମହିଳା ବେଞ୍ଚ ପ୍ରେସ୍ ପ୍ରତିଯୋଗିତାରେ ମୋନାଲିସା ବିଶି ଷ୍ଟ୍ରଙ୍ଗ ଓମ୍ୟାନ ଆଖ୍ୟା ପାଇ ବିଜୟୀ ହେବା ସହ ମିଷ୍ଟର ବଲାଙ୍ଗିର ଆଖ୍ୟା ରାମଚନ୍ଦ୍ର ଖରସେଲଙ୍କୁ ଘୋଷଣା କରାଯାଇ ଥିଲା । ଅନ୍ୟ ପ୍ରତିଯୋଗୀ ୫୫-୬୦ କେଜି ବର୍ଗରେ ଟିକେଲାଲ ବାଗ, ପୂର୍ଣ୍ଣବନ୍ତ ଖରସେଲ, ବିଶ୍ୱନାଥ ସନା ଯଥାକ୍ରମେ ପ୍ରଥମ, ଦ୍ୱିତୀୟ ତଥା ତୃତୀୟ ସ୍ଥାନ ଅଧିକାର କରିଛନ୍ତି ଏବଂ ୬୦-୬୫ କେଜି ବର୍ଗରେ ସୁରେନ୍ଦ୍ର ବାଗ, ବୁଲୁ ବେହେରା, ବୀରେନ୍ଦ୍ର ବେହେରା ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଛନ୍ତି । ୭୦ କେଜି ଅଧିକ ବର୍ଗରେ ପ୍ରିତମ ଦାଶ ପ୍ରଥମ ସ୍ଥାନ ଅଧିକାରୀ କରିଛନ୍ତି । ଜିଲ୍ଲା ସ୍ତରୀୟ ମହିଳା ଫିଟ୍ନେସ୍ ପ୍ରତିଯୋଗିତାରେ ଅନିତା ମିଶ୍ର ପ୍ରଥମ ସ୍ଥାନ ଅଧିକାର କରିଛନ୍ତି । ଏହି ପ୍ରତିଯୋଗିତାମାନ ବିଡିଜିଏ ସଂପାଦକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆୟୋଜନ କରାଯାଇଥିଲା ଏବଂ ଗୋପାଳ ସୁନା, ଅନିଲ ନାଏକ, ରୂପକ ବରାଳ, ସୁଦାମ ବେହେରା, ନେପାଳ ବାଗ, ସଞ୍ଜୟ ଶତପଥି, ଗୌତମ ଆଡଜୁଆଡ ପ୍ରମୁଖ ବିଚାରକ ରହିଥିବା ବେଳେ ଜିତେନ୍ଦ୍ର ନାଗ, ସାନ ଦାଶ ପ୍ରତିଯୋଗିତାକୁ ସଂଯୋଜନା କରିଥିଲେ ।